June 26, 2010 - Posted by Htwe Nge - 30 Comments
ဒီတကြိမ်မှာ ကျွန်တော်အကြိုက်ဆုံးပုံတပုံအနေနဲ့ ရွေးချယ်လိုက်တာကတော့ ကျွန်တော်ရိုက်တဲ့ပုံလေးမဟုတ်ပဲ ဒီနှစ်-၂၀၁၀ မတ်လရဲ့ ကျိုက်ထီးရိုးခရီးစဉ်မှာ မောင်လေးရိုက်ခဲ့တဲ့ ပုံတပုံပါ။
ဒီပုံလေးကို တင်မယ်တင်မယ်နဲ့ အချိန်ယူနေတာ အခုထိရောက်သွားတယ်ဆိုပါတော့ဗျာ။
အရင်ပုံတွေနဲ့ယှဉ်ကြည့်ရင် ထူးခြားချက်က ဓာတ်ပုံရိုက်တဲ့သူကလည်း မောင်လေး ဓာတ်ပုံထဲက subject ကလည်း နိုင်ငံခြားသားတစ်ဦးဖြစ်နေခြင်းပါပဲ။ အဲဒီတုန်းက ကျိုက်ထီးရိုးမှာလေ။
ကျွန်တော်ပြောခဲ့သလိုပေါ့ဗျာ။ ကျိုက်ထီးရိုးရဲ့ အလှဆုံးအချိန်ကိုမြင်ချင်ရင် အဲဒီလိုအချိန်သွားဖို့ ညွန်းချင်ပါတယ်။ အပူဒဏ်တော့ နည်းနည်းသီးခံပေါ့လေ။
ကျိုက်ထီးရိုးမှာ သူရိုက်ခဲ့တဲ့ ၄ပုံထဲက ဒီပုံလေးကို တော်တော်သဘောကျမိတယ်။ သူက ကျွန်တော်လို တွေ့ကရာ လူလဲမရှောင် ခွေးလဲအလွတ်မပေး သူများတကာ မျက်စိနောက်အောင် ရိုက်တတ်တဲ့သူမဟုတ်ဘူးဗျ။
သူ့ပုံကြည့်လိုက်ရင် အလင်းအမှောင် အနေအထား အားလုံးကို စိတ်ကြိုက်ဖြစ်မှ ရိုက်တာမျိုး။
ဘယ်လိုပဲဖြစ်ဖြစ် ဒီဘောလုံးဝါသနာကြီးတဲ့ ဘောလုံးသမားတယောက်ဖြစ်ချင်တဲ့ ဘရာဇီးဘောလုံးသမား ကာကာကို သူရဲကောင်းတယောက်အဖြစ်ခံယူထားတဲ့ ဒီကောင်လေး ဓာတ်ပုံရိုက်ဝါသနာပါတာ ၀မ်းသာမိတယ်။
၁၀တန်းအောင်ပြီးရင် ဓာတ်ပုံနဲ့ပတ်သက်တဲ့ သင်တန်းတွေလဲ တက်ချင်ပါသတဲ့။ ၀ဏ္ဍခွာနီးက မိုက်တယ်လို့လဲ ခဏခဏပြောတတ်ပါသေးတယ်။ အခုချိန်မှာ ကျွန်တော်လိုချင်တဲ့ ကင်မရာမျိုးမကိုင်နိုင်သေးဘူး။ သူ့အလှည့်ကျရင်တော့
သူလိုချင်တာပေးနိုင်ကောင်းပါရဲ့ ။
“မငယ် ဘာလို့အဲဒီလောက်ကြီးတဲ့ အင်္ကျီဝတ်ရတာလဲ၊ မိန်းကလေးဖြစ်ပြီး အဲဒီလိုမထိုင်နဲ့လေ ” လို့ စိတ်ပျက်တဲ့လေသံနဲ့ပြောတတ်တဲ့ လူရှေ့သူရှေ့မရှာင် ပါးစပ်အကျယ်ကြီးဖွင့်ပြီး သန်းဝေရင် ” မငယ် လူတွေအများကြီးရှိနေတာ မမြင်ဘူးလား ”
လို့ အရှက်ရနေတဲ့ မျက်နှာပေးနဲ့ သတိပေးတတ်တဲ့ သူ့အစ်မ စုတ်တီးစုတ်ပြတ်နဲ့ လူကြားသူကြားသွားတာကို သေမလောက်ရှက်တတ်ပြီး ” အဲဒီအင်္ကျီမလဲရင် ကျွန်တော်နဲ့လိုက်မလာနဲ့ ” လို့ အမိန့်ပေးတဲ့လေသံနဲ့ပြောတတ်တဲ့ အဲဒီကောင်လေးတစ်ယောက်ကို
ကျွန်တော်ဖြစ်စေချင်ဆုံးကတော့ အားလပ်ချိန်တွေမှာ အနုပညာမြောက်တဲ့ ဓာတ်ပုံတွေ ရိုက်နိုင်တဲ့ ဘောလုံးသမားကောင်းတယောက်ပေါ့။ ဒါပေမယ့် အနာဂတ်ကို ဘယ်သူကကြိုသိလို့လဲနိုင်မှာလဲဗျာ။
ကဲ သူ့ရဲ့လက်ရာကို ကြည့်လိုက်ကြရအောင်ဗျာ။
ကျိုက်ထီးရိုးအလှအား မှတ်တမ်းတင်နေသော နိုင်ငံခြားသားတစ်ဦး
ဓာတ်ပုံနဲ့ပတ်သက်သော အကြောင်းအရာတချို့
နေ့ရက်၊အချိန်
မတ်လ ၂၆ ၂၀၁၀၊ ညနေ ၅ နာရီ ၅၆ မိနစ်
နေရာ
ကျုက်ထီးရိုးရင်ပြင်
ရွေးချယ်ရခြင်းအကြောင်းရင်း
ဒီပုံလေးကို ဓာတ်ပုံရိုက်ဝါသနာပါတဲ့ မောင်လေးအတွက် အမှတ်တရဖြစ်စေချင်တာရယ် ကျွန်တော်ကိုယ်တိုင် အတော်လေးကို ကြိုက်မိတာရယ်ကြောင့်ပါ။ ၀င်ခါနီးဆဲဆဲနေရောင်ကနေ အလင်းတန်းလေးဝင်ရောက်နေတာကိုလည်း
သဘောကျမိတယ်။ အားလုံးပဲ နှစ်သက်မယ်ထင်ပါတယ်။
June 17, 2010 - Posted by Htwe Nge - Comments Off
အမေသည် ပြောင်းလဲ၍နေလေပြီ။
အမေသည် ထိုင်ပြုနေသည်ဟူ၍မရှိ။ အိပ်ရာထဲတွင် အမြဲတစေ လှဲနေသည်။ အမေ့စိတ်တွင်း၌ မပြောနိုင်အောင် ရှုပ်ထွေးနောက်ကျိလျှက်ရှိနေသည်။ နားထဲသို့ ၀င်လာသော အသံဗလံတွေလည်း ဒုက္ခပေးသည်။
မျက်စိတွင် မြင်ရသည့် အရာတွေကလည်း ဒုက္ခပေးသည်။ အိပ်ရာထဲတွင် မျက်စိကို တအားမှိတ်လျှက် နားကိုလက်နှင့်ဖိပိတ်ထားကာ ရှုံ့မဲ့ကြုံ့ကွေးအိပ်နေသည်။
” အမေ ထပါဦး၊ ကော်ဖီသောက်ပါဦး ”
မျက်စိကို အတင်းမှိတ်ထားသဖြင့် ရှုံ့တွနေသည့်မျက်နှာနှင့်ပင် မှေးမှေးဖွင့်ကြည့်သည်။ မျက်လုံးများမှာ အလင်းရောင်ကို မမြင်သကဲ့သို့ ကြောင်တက်တက်နေသည်။ နားများတွင် ပိတ်ထားသောလက်များကို
ဆွဲကိုင်ဆန့်လိုက်သောအခါ ကွေးထားသည့် အင်္ကျီတစ်တောင်ဆစ်၌ ချွေးတွေ ရွှဲနေသည်။
” အမေ ထပါဦး၊ ချွေးတွေရွှဲလို့ပါကလား ”
အမေသည် အိပ်ရာက အထူမှ မစောင့်ပဲ သူ့ဟာသူ ငေါက်ကနဲထလိုက်သည်။
” အမေ ဒီမှာ ကော်ဖီ ”
အမေသည် စိတ်ထဲက အတောမသတ် တွေးတောနေသည့် အကြောင်းကိုတွေးတောရင်း ကော်ဖီကို သောက်မှန်းမသိ ဖြည်းဖြည်းနှေးနှေး သောက်လေသည်။
” အမေ အိပ်ချည်းမနေပါနဲ့၊ ထိုင်ပြုနေပါဦး။ ခုလို တစ်အိပ်ထဲအိပ်….. ”
အမေသည် ကော်ဖီပန်းကန်ကိုယူလိုက်သည်နှင့် လှဲချလိုက်သည်။ မျက်စိကို တအားမှိတ်လျှက် နားများကို လက်နှစ်ဖက်ဖြင့် ပြန်ပိတ်ထားသည်။
အမေ့ကို ဖျောင်းဖျလို့မရ။ လင်ကိုသတ်မှာလား၊ သားသမီးတွေကိုသတ်မှာလား၊ အမေ့ကိုသတ်မှာလား မသိနိုင်အောင်ဖြစ်ကာ မရေမရာ ရှုပ်ထွေးပူပန်နေပေသည်။ စိတ်ကူးထဲတွင် ရောက်နေသည့် ဘေးရန်တွေကို
လွတ်မြောက်ချမ်းသာအောင် ရောက်တတ်ရာရာ တွေးတောကြံစည်နေသည်။
ထင်ရာမြင်ရာတွေ တွေးတောနေသော ပျံ့လွင့်နေသည့်အာရုံကို နှောင့်ယှက်မည့် အရာဝတ္တုများအား ဖယ်ရှားပစ်သည်။ ဘယ်အသံမှ မကြားချင်၍ နားပိတ်ထားသည်။ ဘယ်အရာမှမမြင်လို၍ မျက်စိမှိတ်ထားသည်။ မျက်မှောက်ထိတွေ့မြင်ကြား
သိရှိနေသည့် အာရုံများနှင့် လွတ်ကွာနေပေ၏။
အမေ့စိတ်ထဲတွင် “အစားများများစားရင် လင်သားဒုက္ခဖြစ်မှာလား” ဟု ထင်မြင်လာလျှင် အစားကိုမစားပဲနေလေသည်။ အမေ့စိတ်ထဲတွင် “စကားများပြောရင် သားသမီးတွေများ ဒုက္ခဖြစ်မှာလား….. ” ဟု ထင်မြင်လာလျှင်
စကားကို အရှင်းမပြောဘဲနေသည်။ တခါတရံ မျက်စိထဲတွင် မြင်လိုက်သည့်အရာကို အနက်အဓိပ္ပယ် ကောက်ယူသည်။ အမေ့စိတ်ထဲတွင် ကြားလိုက်ရ၊ မြင်လိုက်ရသည့်အထဲမှ စိုးရိမ်စရာမရှိသော အဓိပ္ပယ်တွေဟု ကောက်ယူထင်မြင်သွားလျှင်
အိပ်ရာထဲတွင် အသက်မရှူပဲ အောင့်ထားသည်။
“အမေ အသက်ရှူလိုက်ပါ အမေ ဒီလိုအောင့်မနေပါနဲ့၊ ရှူပါအမေရယ် ရှူပါ ”
အမေသည် အသက်ကိုအရှူဘဲ တမင်အောင့်နေသည်။ အသက်မရှူနိုင်အောင် ပင်ပန်းကြီးစွာ အောင့်ထားသည်။ အသက်ကို အတန်ကြာကြာ မရှူဘဲ ချူပ်တည်း အောင့်ထားသည်။ ခံစားရသော မွန်းကြပ်သည့် ဝေဒနာနှင့် အမေ့မှာ
သူတပြန် ငါတပြန်ဖြစ်နေလေသည်။ ရင်ထဲ၌ ကျပ်ဆို့လွန်း၍ မခံမရပ်နိုင်အောင် ဖြစ်လာသဖြင့်လည်း ရှူလိုက်ချင်သည်။ သို့သော် စိတ်ထဲတွင် စွဲလမ်းထားသော အာရုံက မရှူနိုင်အောင် ဆွဲချူပ်ညှစ်အစ်ထားသည်။ အမေသည် မရှူမိအောင်
အတင်းအောင့်နေသည်။ အမေ၏ရင်ခေါင်းထဲမှ ” အင်း….. ” ဟူသော အသံကြီးကျယ်လောင်စွာ မြည်လာသည်။ ထိုအသံမှမရပ်ဘဲ တဆက်တည်း အောင့်အောင့်ကြီး မြည်ထွက်နေသော အသံကြီးဖြစ်သည်။
” အမေ ရှူလိုက်ပါ မောမယ် အမေ ရှူပါ ”
အမေ့ကို တစာစာဝိုင်းပြောကြသည်။ အမေ့ကို ကိုလှုပ်ပြီး သတိပေးနေကြရာ အမေ့တကိုယ်လုံး လှုပ်ယမ်းနေသည်။ အမေသည် မခံမရပ်နိုင်သည့် အဆုံးကျမှ အသက်ရှူထုတ်လိုက်သည်။ အမေမှာ မောဟိုက်နေပေသည်။
ဖုတ်လှိက်ဖုတ်လှိုက်နှင့် အသက်ပြန်ရှူရင်း စုံမှိတ်ထားသည့် မျက်လုံးများဖွင့်လှန်ကာ တစုံတရာကို လိုက်ရှာကြည့်နေသည်။ ထို့နောက် မျက်တောင်များ တဖျပ်ဖျပ်ခတ်ကာ တစုံတရာကို စဉ်းစားနေသည်။
” သတိထားပါ အမေရယ် စိတ်ကောင်းကောင်းထားပါ။ အမေ တွေးတင်နေသလို ဘယ်သူမှ ဘာမှမဖြစ်ပါဘူး အမေရဲ့။ ဒီလိုမလုပ်ပါနဲ့ အမေသာ ပင်ပန်းတာပေါ့……”
” အမေ………သေချင်သေပါစေ”
အမေသည် မျက်စိများ ပြန်မှိတ်ကာ နားကိုလက်နှစ်ဖက်ဖြင့်ပိတ်ကာ နှုတ်က တိုးတိုးပြောသည်။
(၂)
အမေသည် ပြောင်းလဲ၍ လာပြန်ပြီ….
အမေသည် တအိပ်တည်းအိပ်မနေတော့ချေ။ အိပ်ရာထဲတွင် တချိန်လုံးလုံးအိပ်မနေတော့ဘဲ ထိုင်ထ သွားလာနေပြန်ပေသည်။
အမေ၏ မျက်စိများသည် ကျီးကန်းတောင်းမှောက် ကြည့်တတ်လျှက် တစ်နေ့တစ်နေ့ ဘယ်နှစ်ခါဟု မပြောနိုင်အောင် အောင်ဆင်းလာလိုက် အိမ်ပေါ်တက်လိုက် လုပ်နေသည်။ ရုတ်တရက် လှေကားမှ
ခြေသံမကြား ဆင်းလာတတ်ပြီး ဟိုလိုလိုဒီလိုလိုနှင့် ပြန်တက်သွားပြန်သည်။ မြို့ထဲတွင် အမေ နေမကောင်းဘူးဟု သတင်းဖြစ်ကာ လူအများလာရောက်သတင်းမေးမြန်းကြသည်။
သတင်းမေးမြန်းရန် ရောက်လာသောသူမှာ အမေအလိုရှိသည့်သူဖြစ်က ဘာမှမဖြစ်သလို ကောင်းကောင်းမွန်မွန် စကားထိုင်ပြောကြသည်။ လွန်ခဲ့သည့်နှစ်ပေါင်းများစွာက အကြောင်းများပင် စပ်မိလျှင် စီကာပတ်ကုံးပြန်ပြောပြသည်။
အမေသည် အမေငယ်ရွယ်စဉ်ကအကြောင်းကိုပင် မဟုတ်၊ အမေ၏ အမေငယ်စဉ်အခါက အကြောင်းများပင် သတိတရပြန်ပြောသည်။
” အဒေါ်တို့အမေဟာ ငယ်ငယ်လေးကတည်းက အင်မတန် သနပ်ခါးကြိုက်တယ်။ တစ်နေ့တော့ အိမ်ကို သူခိုးလာခိုးတာ အဒေါ်တို့အမေက မြင်လိုက်လို့ သူခိုး၊ သူခိုးလို့ ခြင်ထောင်ထဲက ကုန်းအော်တာပဲ။ သူခိုးဖမ်းမိလို့
ရုံးတင်စစ်တော့ သူခိုးကလဲ အဒေါ်တို့အမေနဲ့ အသိသက်သေတွေစစ်ဆေးပြီး သူခိုးကို အချူပ်ထဲပြန်ခေါ်သွားကာနီး ” လုံမရယ် နင့်သနပ်ခါးတုံးသေတ္တာ ဒီလောက်တောင်ပဲ နှမြောသလား၊ အော်လိုက်တာ တကယ်တည်း ငယ်သံများပါလို့ ” တဲ့။
သူခိုးက အဒေါ်တို့အမေကို ပြောသွားသတဲ့ ”
သတင်းမေးလာရောက်ကြသည့် ဧည့်သည်များက အမေပြောတာနားထောင်ပြီး ရယ်မောကြသည်။ အမေက ပြောပြီး ပြုံးနေသည်။ အမေသည် စကားကို ညင်သာစွာ ပြောတတ်သည်။ မျက်နှာ၌ ဣနြေ္ဒအမြဲရှိသည်။ အသွင်အပြင်များမှာ
အလွန်တရာ ညက်ညောသည်။ သိမ်မွေ့နူးညံ့သည်။ သိက္ခာပျက်လောက်အောင် အမှားအယွင်း မတွေ့ကြရ။ ခါတိုင်းလိုပင် ရယ်မောစရာရှိလျှင် သွားကလေးပေါ်ရုံလောက်သာ ပြုံးသည်။ အရှက်အကြောက်နှင့် စပ်ဆိုင်သည့် မိန်းမပီသရမည်မှန်သမျှ
သတိလက်လွတ်ခြင်းမရှိ။ အခါတိုင်းကဲ့သို့ပင် ခြေမျက်စေ့မပေါ်အောင် ထမီကို ရှည်ရှည်ဝတ်ထားသည်။ မိန်းမပီပီထိုင်လျှက် အရင်အတိုင်း ခြေထောက်ကို လုံချည်နားနှင့် ဆွဲဆုံးထိုင်သည်။ စိတ်က တောင်တောင်အီအီ တခြားသို့ရောက်နေသော်လည်း
မိန်းမတစ်ယောက်ဟူ၍ အမြဲထိန်းသိမ်းထားနိုင်တုန်းပင်။
” မင်းတို့အမေ စိတ်နောက်တာ မဟုတ်ပါဘူးကွယ်၊ နေကောင်းပါတယ် ” သတင်းလာမေးသူများ သူ့ကွယ်ရာတွင် ထင်မြင်ချက်ပေးကာ ပြန်သွားကြသည်။
အမေသည် နံနက်လင်းလ၊ျှင် ဘုရားဝတ်မပျက်၊ အချိန်မှန်မှန်ထ ရှိခိုးသည်။ သံဃာတော်များကို ကိုယ်တိုင်ပင် ဆွမ်းလောင်းသည်။
အိမ်နဲ့မနီးမဝေး ဘုန်းကြီးကျောင်းမှ တုံးခေါက်သံကြားရပြီးနောက် သံဃာများ မြို့ထဲသို့ ဆွမ်းခံထွက်ကြသည်။ အမေသည် သက္ကလပ်အင်္ကျီအညိုထပ်ဝတ်ကာ ပိုးလုံချည်ရင့်ရင့်ဝတ်ဆင်ပြီး အိမ်ပေါ်မှ ဆင်းလာသည်။ အိမ်ဝတွင် စားပွဲနှင့်
တင်ထားသော ဆွမ်းဇလုံကိုကိုင်ပိုက်ပြီး ဖိနပ်ချွတ်လျှက် ဆွမ်းထွက်လောင်းသည်။ ဘုန်းကြီးတွေ လွန်သွားသောအခါ ဆွမ်းဇလုံကို စားပွဲခုံပေါ် ပြန်တင်ခဲ့ပြီးနောက် ဈေးဘက်သို့ထွက်သွားလေသည်။
ဈေးထဲက ” ဒေါ်ဒေါ် လာပါ ထိုင်ပါဦး ” ဟု ဆီး၍ ခရီးဦးကြို ခေါ်ငင်ကြလျှင် ၀င်ထိုင်ပြီး အာလာပသလ္လာပစကားများကို ချေချေငံငံ ပြန်ပြောသည်။ အတော်ကလေး စကားလက်ဆုံကျပြီးမှ ဆိုင်တွင်ရှိသော အဖိုးတန်ပိုးထည်များကို
စိတ်တိုင်းကျ တဆင့်ပြီးတဆင့် ရွေးချယ်ကာဖြတ်စေပြီး အကြွးယူလာခဲ့သည်။
အမေသည် ဆိုင်က၀ယ်လာသမျှကို အိမ်သို့မယူလာဘဲ သူပေးချင်သည့်သူကို သွား၍ပေးလိုက်သည်။ အမေပေးသောပစ္စည်းများကို အချို့ကလည်း လာပြန်ပေးကြသည်။ အချို့မှာလည်း ယူထားကြသည်။
ကြွေးဆပ်ရဖန်များလာမှ ဆိုင်များကို ကြွေးမပေးရန် လိုက်ပိတ်ထားရသည်။ အမေသည် အကြွေးယူမရတော့၍ အ၀တ်အထည်ကောင်းများကို အမှတ်တမဲ့အောက်ကခံဝတ်လျှက် အိမ်မှထွက်သွားကာ ပေးချင်သည့်သူကို ချွတ်၍ပေးခဲ့သည်။
အိမ်ပြန်ရောက်လျှင် အိပ်ရာထဲသို့ ၀င်နေတော့သည်။
အမေသည် ယောက်ယက်ခတ်လာလေသည်။ အာရုံအမျိုးမျိုး ပြောင်းလဲဆွဲဆောင်ရာသို့လိုက်ကာ နှမြောရမှန်းမသိဖြစ်လာသည်။ ယခင်က ကြောက်သည့်စိတ်၊ လန့်သည့်စိတ်ဖြစ်နေရာတွင် ပေးချင်ကမ်းချင်စိတ်ပါ ဖြစ်လာပြန်ပေးသည်။
(၃)
တစ်နှစ်တာ၏ ဥတုသုံးပါးတွင် မိုးဥတု၌သာ အမေ့ကို အိပ်ရာထဲ၌ တစ်မိုးတွင်းလုံး တွေ့မြင်ရသည်။ မိုးမှာ မပြတ်မပြတ် သည်းထန်စွာရွှာသွန်း၍ လေးလံထိုင်းမှိုင်းနေကာ အိမ်ပြင်သို့မထွက်ဘဲ အအိပ်အနေများနေလေသည်။ မိုးကုန်၍
ဆောင်းဝင်လာသည်နှင့် အမေမှာ သွက်လက်လှုပ်ရှားထကြွ နေလေသည်။
အမေသည် နေ့ခင်းကြောင်တောင် ပိုးစောင်ကလေးကိုခြုံကာ အိမ်ပေါ်က ဖြည်းညင်းစွာဆင်းလာသည်။ မုန့်သေတ္တာနှစ်ဘူးကို ထပ်ကာပိုက်လျှက် လှေကားထစ်များကို တစ်ထစ်ပြီးတစ်ထစ် ဖြည်းဖြည်းဆေးဆေး ဆင်းလာသည်။
အမေမှာ အသက် ၅၀ နီးသော်လည်း ရုပ်ရည်အင်မတန်တင်သည်။ အစားမမှန်၊ အအိပ်မမှန် ကပေါက်ချိအပေါက်ချာဖြစ်နေလျှက်နှင့် ကပေါက်ချိကပေါက်ချာဖြစ်မှန်းမသိနိုင်အောင် ဆောင်ထားနိုင်သည့် စွမ်းအားရှိသည်။ ရုပ်လက္ခဏာ
အမူအရာများမှာ နဂိုပင်ကိုဟန်အတိုင်းလိုလိုပင်။
လှေကားခြေရင်းက ရပ်လျှက်အမေ့ကိုစောင့်ဆိုင်းပြီး မော့ကြည့်နေရင်း အမေ၏တင့်တယ်သော ကျက်သရေကိုတွေ့မြင်ရသည်။
နူးညံ့ဖြူဆွတ်သော အသားအရည်၊ နီမြန်းသော နှုတ်ခမ်း၊ ဖြောင့်တန်းသောနှာတံ၊ ထက်မြက်စူးရှသည့် မျက်လုံး၊ ထောင်ထောင်မောင်းမောင်း မြင့်မားနေသည့် ကိုယ်လုံးကိုယ်ထည်တွင် ပိုးအင်္ကျီ၊ ယောလုံချည်အသစ်စက်စက်နှင့်
ပိုးစောင်အဖြူကို ရွရွကလေး ခြုံလွမ်းထားသည်မှာ အသက်အရွယ်နှင့် မဟပ်မိအောင် အယဉ်ဆုံး၊ ဣနြေ္ဒအရဆုံး၊ တင့်တယ်ခန့်ညားလှပလျှက်ရှိသည်။
” အမေ ဘယ်သွားမလို့လဲ၊ ဘယ်ကိုတုန်း အမေရဲ့ ”
လှေကားရင်းမှနေလျှက် တိုင်ပွတ်လုံးဘုနှစ်ခုကို လက်များဖြင့် လှမ်းကာထားသောကြောင့် အမေလည်း ရပ်တန့်နေသည်။
” ဒီမုန့်သေတ္တာဘူးတွေကို ဘယ်ယူသွားမလို့လဲ အမေရဲ့ ”
သိချင်ဇောကြောင့် မုန့်သေတ္တာဘူးများကို လှမ်းကိုင်လိုက်ရာ အမေသည် အထိမခံဘဲ ပုံးများကို တင်းကျပ်စွာပိုက်ထားရင်း ” ဖယ်စမ်းပါ အမေ ဘုန်းကြီးကျောင်းသွားမလို့ပါ ” ဟု ပြောပြောဆိုဆို လှမ်းဆင်းလိုက်သည်။
” အမေ အရင်ကလို အိပ်ရာထဲ အိပ်နေတာက ကောင်းပါသေးတယ်၊ ဟိုထွက်သွား ဒီထွက်သွားနဲ့ မကောင်းပါဘူး အမေရဲ့။ ညနေမှ သွားပါနော် ”
သမီးစကားကို အမက နားထောင်ရရိုးမရှိသော မျက်နှာမျိုး တင်းတင်းထားကာ လှေကားရင်းရှိ ထီစင်မှ ပုသိမ်ထီးကိုဆတ်ကနဲဆွဲယူပြီး ” ဖွင့်လိုက်စမ်း ” ဟု ခိုင်းသည်။ အသံမှာ မိခင်၏အုပ်စိုးသောအသံမျိုးဖြစ်၍ ထီးကိုဖွင့်ပြီး ရိုရိုသေသေ လှမ်းပေးလိုက်ရသည်။
အမေသည် တည်ကြည်သော ဣနြေ္ဒကြီးနှင့် ပုသိမ်ထီးကိုမိုးလျှက် ဘုန်းကြီးကျောင်းသို့ စိုက်စိုက် စိုက်စိုက်နှင့်ထွက်သွားလေသည်။
ဘုန်းကြီးကျောင်းသို့ အမေသွားလျှင် စောင်မတင်ဘဲ သွားရိုးသွားစဉ် မရှိပေ။ လှူဖွယ်ဝတ္တုတစ်ခုမှမပါဘဲနှင့်လည်းမသွားတတ်။ အ၀တ်အစားလည်း လဲဖယ်ပြီးသွားတတ်သည်။ တခြားသွားမည့်အစား ဘုန်းကြီးကျောင်းသွားတာကို
ဝမ်းသာအားရဖြစ်ရသည်။ အမေ့အတွက် ကျောင်းကသာလျှင် ချမ်းသာရာ၊ အေးငြိမ်းရာ ဖြစ်စေနိုင်မည်ဟု အောက်မေ့မိသည်။
အမေသည် အတန်ကြာမှ ပြန်ရောက်လာသည်။ ” အမေ ဆရာတော်နဲ့ တွေ့ခဲ့သလား ” ဟု ဆီးမေးကြည့်သည်။ အမေသည် စကားပြန်မပြောဘဲ ထီးကိုသာလှမ်းပေးကာ အပေါ်သို့ တန်းတက်သွားသည်။ အပေါ်မရောက်ခင်
လှေကားတစ်ဝက်လောက် ပြန်လှည့်ဆင်းလာပြန်သည်။
” အမေ ဘာလိုချင်သလဲ ဘာလုပ်မလို့လဲ ”
အမေသည် ဘာမှန်းမသိ စိုးရိမ်ပူပန်လျှက် ရှိပြန်၏။ အမေ့ခေါင်းထဲ၌ လွတ်ရာလွတ်ကြောင်းကို ရှာဖွေကြည့်သည်။ ဟိုဟိုဒီဒီ လျှောက်၍ကြည့်ပြီးနောက် ပြန်တက်သွားလေသည်။ အမေသည် ကုတင်ပေါ်တွင် ခြေချထိုင်ကာ ငေးငိုင်နေသည်။ အ၀တ်အစားများကို လဲလှယ်ကာ ခြေရင်းက သေတ္တာပေါ်တွင် ပုံတင်ထားသည်။
” အမေ ဆေးသောက်ပါ ”
အမေလည်း ဆေးခွက်ကိုလှမ်းယူကာ မသောက်ဘဲ ကိုင်ထားသည်။ အ၀တ်များကို သွားဆွဲခေါက်ရင်း ” သောက်ပါ အမေ ” ဟု လှမ်းပြောရသည်။ အမေမှာ ဆေးခွက်ကိုကိုင်ကာ ငေးမောစဉ်းစားနေသည်။
ဆက်ရန်
News Watch Weekly ( စောင့်ကြည့်ဂျာနယ် ) အတွဲ (၅) အမှတ် (၄၃) ၂၆-၅-၂၀၁၀ ဗုဒ္ဓဟူး ပြည်တွင်းဆောင်းပါးကဏ္ဍမှ ပြန်လည်ဖော်ပြသည်။
June 15, 2010 - Posted by Htwe Nge - Comments Off
ဒီရက်ပိုင်းမှာ ဘော်ဒါကြီးတယောက်ကို ရေလည်သတိရနေတယ်ဗျာ။ ဘယ်သူရှိရမလဲဗျ။ ဟိုကောင်ကြီး Daywalker ပေါ့။ သင်တန်းတက်မယ်ဆိုပြီး ပျောက်သွားတာ ခုထိက်ထိကို ပြန်မပေါ်လာဘူးဖြစ်နေတယ်ဗျာ။
ဒီကောင်က ကျွန်တော်ရဲ့ ယောက်ကျားလေးသူငယ်ချင်း နဲနဲလေးထဲမှာမှ ကျွန်တော်အချစ်ဆုံးမဟုတ်ပေမယ့် ကျွန်တော့်အပေါ် အနွံတာအခံဆုံးဆိုလည်းဟုတ် ပြီးတော့ ကျွန်တော်ယုံကြည်ရဆုံးဆိုလည်း မှန်ပြန်တယ်။
သူနဲ့ကျွန်တော် ဘော်ဒါတွေ ဖြစ်ခဲ့ကြတာ ၃နှစ်၃မိုးလောက်ရှိပြီ ထင်ပါရဲ့။ အွန်လိုင်းဘော်ဒါကနေ အခုလို ပြောမနာ ဆိုမနာ ထုမနာ ဆဲမနာဖြစ်လာခဲ့တာ နှစ်တွေချီနေပြီပဲ။
သူနဲ့ကျွန်တော် အွန်လိုင်းမှာ စဘော်ဒါဖြစ်ခါစက ကျွန်တော်က စမ်းချောင်းမှာနေတဲ့အချိန်။ နေ့တွေကြာလာတာနဲ့အမျှ သူဟာကျွန်တော် ခင်မင်ရတဲ့ သူတယောက် အကြောင်းအရာမျိုးစုံ ပြောဆိုလို့ရတဲ့ သူငယ်ချင်းတယောက်ဖြစ်လာခဲ့ပြီး
သူရင်ဖွင့်သမျှ နာကြည်းခံစားရသမျှကိုလည်း ကျွန်တော် သည်းခံပြီးနားထောင်ပေးခဲ့ရပြန်တယ်။ လှိုင်ဦးမော်ကို ကြိုက်နှစ်သက်တာချင်းတူပေမယ့် သူ့လို ရှေးခေတ်မြန်မာသံစဉ်တွေကနေ Slipknot လိုမျိုးထိ ခံစားတတ်တဲ့ သူတယောက်တော့
ကျွန်တော်မဟုတ်ခဲ့ဘူး။ သူ့ရဲ့ Daywalker ဆိုတဲ့ နာမ်စားကို ကိုယ်တိုင်နှစ်သက်တတ်သလို ကျွန်တော့်ကိုလည်း Vampire တဲ့။ သူပေးတဲ့ အဲဒီနာမ်စားကို ကျွန်တော်အတော်လေး နှစ်ခြိုက်ခဲ့ပြီး သူရဲ့မနေမနား တိုက်တွန်းမှု
အကြောင်းအရာတချို့ပေါင်းစုံမှုနဲ့ ဘလော့စာရေးဖြစ်တော့ Vampire’s Little World တဲ့။ (Daywalker ဆိုတာ သွေးစုပ်ဖုတ်ကောင်မှန်း မသိခဲ့ဘူးဗျ။ အဲဒီကောင်က စိတ်ရှည်လက်ရှည် ဘုနဲ့ဘောက်ရှင်းပြခဲ့ရတာပါ။)
သွေးစုပ်ဖုတ်ကောင်နှစ်ယောက် စတွေ့ဖြစ်ကြပုံက ဒီလိုဗျ။
အဲဒီတုန်းက သင်တန်းကအပြန် ဆိုင်တဆိုင်မှာ အင်တာနက်ဝင်သုံးလို့ သူနဲ့တွေ့လို့ပြောနေရင်း ငါလာခဲ့မယ် ဆိုင်နာမည်နဲ့လိပ်စာပြောဆိုပြီး ခဏနေလည်းကျတော့ တက်စီကြီးနဲ့ ပေါက်ချလာပါလေရော။
ကျွန်တော်ကတော့ ဒီကောင့်ကိုတွေ့ရတော့မယ်ဆိုပြီး ဘာမှထူးထူးခြားခြား မခံစားမိဘူး။ ပေါင်းသင်းနေကြ အတွင်းသိဓာတ်သိ ဘော်ဒါတယောက်ကို ကိုယ့်ဆီအလည်လာသလိုပါပဲ။
ဘေးမှလူတယောက် ဆတ်ကနဲ ၀င်ထိုင်လို့ လှည့်ကြည့်လိုက်ရုံရှိသေးတယ် ဟကောင် ဒီဟာက ဟိုလိုလေ။ ဒီဟာက ဒီလိုလုပ်ရတယ်ဟ ဆိုပြီး ကီးဘုတ်ကို သူ့ဘက်ဆွဲယူပြီး ဆရာကြီးတန်းလုပ်ပါလေရော။
( အဲတုန်းက ရယ်စရာကောင်းတဲ့ အချက်ကသူကကျွန်တော့်ဓာတ်ပုံကို ရှင်းရှင်းလင်းလင်း ကွက်ကွက်ကွင်းကွင်းကြီးကို မြင်ဖူးနေပြီး ကျွန်တော်ကတော့ သူ့ရဲ့မသဲမကွဲနဲ့ သူရုပ်ဆိုးတာကို ဖုံးဖိထားတဲ့ ၀ါးတားတားပုံပဲ မြင်ဖူးခဲ့တာဗျ။
အဲဒီတုန်းက ကျွန်တော်က တနေ့တနေ့myspace နဲ့ ဓာတ်ကျနေတတ်ပြီး သူကတော့ သူ့ဘလော့နဲ့၂ပါးသွားနေချိန်ပေါ့။ သူ့ဓာတ်ပုံကိုတောင်မမြင်ဖူးပဲနဲ့ ကျွန်တော့်ပုံတွေကို သူ့ကိုဝင်ကြည့်စေဖို့ ကျွန်တော်၂ခါမစဉ်းစားခဲ့ပါဘူး။
ကျွန်တော်အဲဒီလိုလုပ်မိတာ သူဟာပထမဆုံးပဲ။ ကျွန်တော်ရဲ့ မလှမပ လောကကြီးကို မကျေမနပ်ဖြစ်နေတဲ့ ရုပ်နဲ့ပုံတွေကို သူက စာရေးဆရာမဂျူးနဲ့တူတယ်ဆိုပြီး သူရဲ့ပိုစ့်လေးတခုမှာတောင် ထည့်ရေးထားပါသေးတယ်။
သူအဲဒီအကြောင်းကိုပြောတော့ ဘာမှမခံစားရပဲ သူ့ဘလော့ကိုတောင် သွားမဖတ်ဖြစ်ခဲ့ပါဘူး။ myspace ကလွဲရင် ဘာကိုမှ စိတ်ဝင်စားလို့ မရတဲ့ အချိန်လေဗျာ။ ကျွန်တော်ရေးတဲ့ Losing ဆိုတဲ့ ကဗျာလေးကို ကြိုက်လို့ဆိုပြီး
သူ့ဘလော့မှာ ဖော်ပြထားပါသေးတယ်။ နောက်ပိုင်းသူ့ဘလော့ကို ၀င်ဖတ်မိတော့ သူရဲ့ထိမိတဲ့ အရေးအသားတွေနဲ့ စာတွေကို တလေးတစားဖတ်ရင်း သူဟာစာရေးကောင်းသူတယောက်ဆိုတာ ကျွန်တော်လက်ခံလာခဲ့တယ်။
သူ့ရည်းစားဦးကို ရည်ရွှယ်ပြီးရေးထားတဲ့ Happy Birthday To နဲ့ သူချစ်တဲ့ သူ့ကြောင်လေးနဲ့ခွဲခွာခဲ့ရတဲ့ဇာတ်လမ်းတွေဟာ ကျွန်တော့်ကို မျက်ရည်ဝဲစေတဲ့အထိ ဖမ်းစားနိုင်ခဲ့တယ်။
အဲကောင်အဲလိုဗျ ရုပ်ကသာ ကြမ်းတာ စာရေးရင်တော့ တပုဒ်ပြီးတပုဒ်ဖတ်ချင်အောင် ရေးတတ်တဲ့ကောင်မျိုး။ )
အဲဒီလိုနဲ့ ကျွန်တော်သုံးနေတဲ့ အင်တာနက်ဆိုင်လေးကိုရောက်လာခဲ့ပြီး ပြောပုံက နင်က ခုံထဲမှာပျောက်နေလို့ မနဲရှာရတယ်ဆိုပဲ။ သူက အရပ်ရှည်တာကလွဲလို့ ဘော်ဒီမရှိပဲနဲ့များ။ ခဏနေကျတော့ တခုခုသွားစားရအောင်ဆိုပြီး
လျှောက်ရင်းစဉ်းစားရင်း စကားပြောရင်းရောက်သွားတာက စမ်းချောင်းလမ်းနားက ကြေးအိုးဆိုင်။ ကြေးအိုးထဲမှာပါလာတဲ့ ကြက်ဥကို ငါမကြိက်ဘူးလို့ပြောလိုက်တာနဲ့
ဆက်ကနဲဆိုသူ့ပန်းကန်ထဲရောက်သွားပါလေရော။ နောက်များ သူ့ရှေ့မှာ မကြိုက်ဘူးလို့ ယောင်လို့တောင် မဟမိစေနဲ့ဗျ။ အဲဒါမျိုးဆို တယ်လက်သွက်တဲ့ကောင်။ ဒီကောင်နဲ့တွေ့လို့ထူးခြားတာတခုက
ခါတိုင်းလို သူငယ်ချင်းအသစ်တယောက်လို့မခံစားရ စိတ်မလှုပ်ရှားပဲ သူ့ကိုနှစ်ရှည်လများ ပေါင်းလာတဲ့ သူတယောက်လိုခံစားနေမိတာပါပဲ။ ပြီးတော့ ကျွန်တော်အပြင်မှာ တွေ့ဖူးတဲ့အွန်လိုင်းသူငယ်ချင်းတွေထဲမှာ တခြားဘယ်သူငယ်ချင်းမှ မပါဘဲ
ကျွန်တော်တယောက်ထည်းတွေ့ခဲ့ဖူးတာ ဒီကောင်ပဲရှိတယ်။ ကြေးအိုးစားပြီးတော့ အအေးသွားသောက်ရအောင် ဆိုပြီး ဒီတခါတော့ နင်တိုက်တဲ့။
ရပါတယ်လို့ ကျွန်တော်က မသက်မသာ အသံနဲ့ဆိုမိတော့ ငါတခွက်ပဲသောက်မှာပါဆိုလား ဘာလား။ တခုခုပဲ။ အဲဒီလိုနဲ့ စမ်းချောင်းရဲ့လူငယ်တွေကြားက နာမည်ကြီး သရက်ရိပ်အအေးဆိုင်ကို ချီတက်ကြပါလေရော။
ကြီးမားတဲ့ သရက်ပင်အောက်မှာ သစ်သားခုံပုလေးတွေနဲ့ နေပူရင် နေပျောက်လေးတွေ ထိုးတတ်ပြီး မိုးရွှာရင် ထီးဖွင့်ဆောင်းရတဲ့ ဆိုင်ပေါ့။ တော်သေးတယ်။ အဲဒီတုန်းက မိုးမရွှာလို့။ ၂ကောင်သား အအေးသောက်ကြ အွန်လိုင်းက
အကြောင်းတွေ ပြန်ပြောကြ အထူးသဖြင့် အဝေးတနေရာက သူ့ရင်ခုန်သံလေးအကြောင်းပေါ့ဗျာ။ ကျွန်တော်တို့စကားဝိုင်းဟာ တယောက်ပြော တယောက်နားထောင်ပုံစံမျိုးမဟုတ်ပဲ သူတစ်ခွန်းကိုယ်တခွန်းနဲ့ တဆိုင်လုံးမှာ
၂ယောက်ထည်းစည်ကားနေခဲ့ပါတယ်။ )
အဲဒီလိုကျွန်တော်တို့အပြင်မှာ တွေ့ပြီးနောက်ပိုင်းမှာလည်း ငါခုရှစ်မိုင်မှာ ဘယ်နားမှာလဲ ဆိုင်နာမည်ပြောဆိုပြီး ခဏခဏတက်စီနဲ့ ပေါက်ပေါက်ချလာတတ်တာ ကျွန်တော်အလုံရောက်သွားတဲ့အချိန်အထိပါပဲ။ လိုင်းကားဆိုရင် ဘယ်ကားစီးလို့ ဘယ်ရောက်မှန်းမသိတာ
ကျွန်တော်နဲ့အတူဆုံးပဲ။ အလုံကို သူရောက်လာတော့ သူ့သူငယ်ချင်းတယောက်လည်းပါလာပါသေးတယ်။ နေ့လည်စာ စားချိန်ကြီး။ ငါ၈မိုင်ကနေ တက်စီနဲ့လာရမှာ။ နင်နေ့လည်စာကျွေးမလားတဲ့။ လက်ထဲကြည့်လိုက်တော့ အင်တာနက်ဖိုးဖယ်ပြီး
၂၅၀၀လောက်ရှိသေးတယ်။ အေးပါဆိုတော့ ငတ်ကြီးကြပြီး ပေါက်ချလာပြန်ရော။ သူနဲ့သူ့သူငယ်ချင်း။ ထမင်းမစားခင် အအေးအရင်သောက်ရအောင်ဆိုပြီး အအေးဆိုင်ဝင်ထိုင်ပြီး ဘာမှာတယ်မှတ်လဲဗျ စတော်ဘယ်ရီတခွက်နဲ့ ရေခဲရေ၂ခွက်တဲ့။
စတော်ဘယ်ရီက ကျွန်တော်ဖို့များ မထင်လိုက်ပါနဲ့။ အဲဒီလိုလဲ ရုပ်တည်ကြီးနဲ့ လုပ်စားတတ်ပါသေးတယ်။ အလုံကိုရောက်ဖူးတာ အဲဒါပထမဆုံးပဲတဲ့ဗျ။
အအေးသောက်ပြီး သကာလ ထမင်းဆိုင်မှာ စားကောင်းကောင်းနဲ့စားပြီး ရှင်းမယ်ဆိုတော့ ၇၅၀၀ပါတဲ့။ ဟီး ဘယ်တတ်နိုင်မလဲဗျာ။ ကျွန်တော်လက်ထဲမှာ ရှိတာက ၂၅၀၀။ အဲဒီ၂ကောင် မအီမလည်မျက်နှာကြီးနဲ့ တယောက်၂၅၀၀ထုတ်ရပါလေရော။
(စတာပါဗျာ။ ဒီကောင်က ကျွန်တော်သိတဲ့ ယောက်ကျားလေးသူငယ်ချင်းထဲမှာ ကျွန်တော့်အပေါ် သထာဆုံးပဲဗျ။ နောက်ပိုင်းမွဲသွားလို့ လိုင်းကားခတောင် ကျွန်တော်ဆီကပြန်ယူတာတော့ တမျိုးပေါ့။ )
ဒီကောင်က အဲဒီလို တော့တလိုက်တိုင်း ဘေးနားရောက်လာတတ်တဲ့ ဘော်ဒါမျိုးဗျ။ ကျွန်တော်ပထမဆုံး ၈မိုင်ကိုဖြတ်သွားဖြတ်လာမဟုတ်ပဲ ဆရာတယောက်ကြောင့် ရောက်သွားတဲ့ကာလ သူ့ကိုဖုန်းဆက်ပြီး ဟကောင် ငါ၈မိုင်ရောက်နေတယ်။
ရန်ကုန်အစွန်အဖျားမှာနေတဲ့သူ့ကို လာခဲ့ဆိုတော့ ငါမျက်နှာတောင် မသစ်ရသေးဘူးတဲ့။ အချိန်က နေ့လည်စာစားချိန်။ အဲလို အပျင်းထူပြီး ညစ်ပတ်တဲ့ကောင်ပါ။ နောက်တနာရီလောက်ရောက်မယ် ဆင်းစောင့်နေဆိုတော့
ကျွန်တော်နဲ့ဟိုမွန်မနဲ့ ဆင်းစောင့်ရတာပေါ့ဗျာ။ သူပြောထားတဲ့အချိန် အတိအကျမှာပဲ မှိုရတဲ့မျက်နှာကြီးနဲ့ရောက်လာပါလေရော။ အဲဒီတုန်းက ကျွန်တော်တို့ မတွေ့တာ လချီနေပြီ။ တွေ့တော့ဘာပြောတယ်ထင်လဲ။
နင့်ဆံပင်ညှပ်ဦ။ လမ်းသရဲပုံပေါက်နေပြီတဲ့။ ဘာဖြစ်လဲ ငါဘာသာငါ နေချင်သလိုနေမှာပဲ ဘယ်သူ့ဂရုစိုက်ရမှာလဲ ဆိုတော့ စိတ်ကုန်တဲ့မျက်နှာနဲ့ ပါးစပ်ပိတ်သွားပါလေရော။ ပြီးတော့ကျတော့ အဲဒါဆိုရင် နင်ဟိုလမ်းဘေးမှာ
သွားလှဲအိပ်ရင် နင်ကြိုက်တာဝယ်ပေးမယ်တဲ့။ ကပ်လျက်ရှိနေတဲ့ Juntion 8 စင်တာကြီးကို လှည့်ကြီးပြီး တကယ်လား လို့ ကျွန်တော်နဲ့မွန်မ ရဲ့ တညီတညာ အားတက်သရော အသံကိုကြားလိုက်တော့ စိတ်ပျက်သွားတဲ့မျက်နှာနဲ့
နင်တို့က တကယ်လုပ်မယ်ရုပ်ကြီး ငါပဲရှုံးမှာဆိုပြီး ငြိမ်သွားပေါလေရော။ အဲဒီလိုလည်း သွေးကြောင်တတ်တဲ့ကောင်ပါ။
တခါကလည်း ကျွန်တော်သူငယ်ချင်းတွေကို တွေ့ချင်လို့ဆိုပြီး မြေနီကုန်း ရွှေလက်ဖက်ရည်ဆိုင်မှာ ၄ယောက်လောက်ချိန်းလိုက်တာ ကျန်တဲ့နေ့နေ့ညညပေါင်းနေတဲ့ ကောင်တွေတကောင်ထဲမှာ နောနော်တကောင်ကလွဲလို့ မရောက်လာပဲ
သူတယောက်သာ ရန်ကုန်အစွန်အဖျားကနေ ကျွန်တ်ာချိန်းတဲ့၆နာရီအတိမှာ ရွှေဆီကိုရောက်ချလာခဲ့တာပါ။ မိန်းကလေးဆိုရင်သာ ဖွန်ကြောင်ပြီး ရေပက်မ၀င်စားပြောတတ်ပြီး ယောက်ကျားလေးဆိုရင် လှည့်မကြည့်တတ်တဲ့ နောနော်ဆိုတဲ့
ကောင်ကတော့ ဟိုကောင်တွေမလာရင် ငါလဲပြန်ပြီဆိုပြီး ဖင်ပူအောင်မထိုင်ပဲ လစ်သွားပါတယ်။ ကျန်ခဲ့တာက သူနဲ့ကျွန်တော်နဲ့သာ။ အဲဒီအချိန်တုန်းက ပါးစပ်က ထုတ်မပြောပေမယ့် သူ့ကိုကျေးဇူးတင်နေခဲ့သလို ကျန်တဲ့ကောင်တွေလုပ်ရပ်ကြောင့်လဲ
ဝမ်းနည်းစိတ်တွေ အပြည့်။ စကားပြောသံတွေ လမ်းမက လွင့်ပျံလာတဲ့ ကားသံတွေရယ်ကြောင့် ဆူညံနေတဲ့ ဆိုင်လေးထဲမှာ သူနဲ့ကျွန်တော် ၂ယောက်ထည်း စကားပြောကြတာ ည၈နာရီကျော်တဲ့အထိ။
တခါတုန်းကလည်း လှည်းတန်းကိုလာခဲ့ဖို့ ကျွန်တော်ဖုန်းဆက်လှမ်းခေါ်တော့ သူများတွေညအိပ်ဝတ်တဲ့ ဘောင်းဘီတို အပေါ်က အင်္ကျီအပွကြီးနဲ့ ပေါက်ချလာပါသေးတယ်။ ပစ်စလက်ခတ်နိုင်တယ်ဆိုတဲ့ ကျွန်တော် သူနဲ့ကျမှ လက်မြောက်လိုက်ရတယ်ပေါ့ဗျာ။
အဲဒီလို ပစ်စလက်ခတ်နိုင်ပြီး ဘယ်နေရာကြည့်ကြည့် မလှတဲ့ကောင်က စွံ့တယ်ဗျ။ ဘာဆုတောင်းမှန်းကို မသိဘူး။ကျန်တဲ့အချိန်တွေဆိုရင်တော့ ကျောနဲ့ရင်နဲ့ကပ်သလောက်နီးနီး တော့တင်းတဲ့ သူ့ခန္ဓာကိုယ်ပေါ်မှာ အမြဲတွေ့ရတာက ဘယ်တော့မှခေါက်မ၀တ်တဲ့ ရှပ်အကျီင်္ပြောင်တစ်ထည်ရယ် စတိုင်ဘောင်းဘီတစ်ထည်၊ ကျောပိုးအိတ်တစ်လုံးနဲ့ ဦးထုပ်တစ်လုံးပေါ့။ ရှပ်အင်္ကျီကိုလည်း ဘယ်တော့မှ အထဲထည့်ဝတ်ရိုး ထုံးစံမရှိတဲ့ကောင်ပါ။
အညာသားတယောက်ဖြစ်ရတာကို ဂုဏ်ယူတတ်ပြီး သူရဲ့အညာတောမြို့လေးကိုလည်း ချစ်မြတ်နိုးတတ်တဲ့ကောင်ပါ။ သူ့မြို့လေးကို သတိရတိုင်း လုပ်ဖြစ်တာကတော့ Google Eearth ကနေ မထင်မရှားနဲ့ သူ့မြို့လေးကို ရှာကြည့်တတ်တာပါပဲတဲ့။
အဲဒီလို ကျွန်တော်တော့တလိုက်တိုင်း ရောက်လာတတ်တဲ့ အမြဲပေါင်းနေကြသူငယ်ချင်းတွေထက် ကျွန်တော့်အနွံ့အတာကို ပိုခံတတ်တဲ့ ငါကLibra၊ချိန်ခွင်သမားတွေကွ မှန်မှန်ကန်ကန်ပဲ ဘက်မလိုက်တတ်ဘူး ဆိုပြီး
အားမနာပါးမနာ ဝေဖန်တတ်တဲ့ ဘ၀ဆိုတာ ရွေးချယ်စရာများလေ ကောင်းလေပဲဟလို့ ပြောဖူးတဲ့ တခါတရံ Vampire လို့ခေါ်လေ့ရှိပြီး တခါတလေ ယောက်ဖလို့ခေါ်တတ်တဲ့ သူငယ်ချင်းတယောက်ကို မကြာခင်ပြန်တွေ့ရဖို့ မျော်လင့်နေတယ်ဗျာ။ သူရဲ့မချိုမချဉ် မျက်နှာပေးနဲ့ တနေ့တော့ ကျွန်တော့်ရှေ့ကို သူရောက်လာလိမ့်မယ်လို့…………..
သူရဲ့ဒိုင်ယရီဟောင်းဟာ စာကောင်းပေကောင်းဖတ်ချင်သူတွေအတွက် မသွားမဖြစ်သွားသင့်တဲ့ နေရာတခုပေါ့။ (အခုတော့ သူ့ရဲ့ဂျီမေးဟက်ခံလိုက်ရလို့ အဲဒီနေရာလေးလဲ သူနဲ့မသက်ဆိုင်သလို ဖြစ်သွားပါပြီ။ )
June 8, 2010 - Posted by Htwe Nge - 2 Comments
အချိန်ကား ၁၉၄၂ ခုနှစ် မိုးဦးကျစ ဇွန်လအတွင်းဖြစ်၏။ ဂျပန်တပ်မကြီးများနှင့် မြန်မာ့လွတ်လပ်ရေး တပ်မတော်(ဘီအိုင်အေ)တို့ နယ်ချဲ့ဗြိတိသျှတပ်များအား မြန်မာနိုင်ငံတ၀န်းမှ အပြီးပိုင်မောင်းထုတ်ပြီးနောက် မြို့ပြအုပ်ချုပ်ရေး အုတ်မြစ်ချကာစအချိန်တွင် တပ်မတော်မှ ရဲဘော်သုံးကျိပ်ဝင် အရာရှိကြီးအချို့နှင့် တို့ဗမာအစည်းအရုံးဝင်အုပ်ချုပ်ရေး သက်ဆိုင်ရာတာဝန်ခံတို့မှာ ရွှေတောင်ကြား (ဂိုလ်ဒင်ဗယ်လီ)လမ်းအတွင်း၌ နေထိုင်ကြသည်။
ရွှေတောင်ကြား ခြံအမှတ် ၅၆ (ယခု အီတလီသံအမတ်ကြီးနေအိမ်နှင့်ကပ်လျှက်) နေအိမ်ခြံဝ၌ ကင်းအစောင့်တာဝန်ကျနေသော ရဲဘော်သည် ထိုအိမ်၌နေထိုင်သော ရဲဘော်သုံးကျိပ်ဝင် ဗိုလ်အောင် (နောင်အခါ ပြည့်သူ့လွတ်တော်ဥက္ကဋ္ဌ ဗိုလ်မှူးအောင်) ထံသို့ ကိစ္စအမျိုးမျိုး အကြောင်းပြလျက် လာရောက်သမျှဧည့်သည်များကို ၀င်ခွင့်ပေးသင့်၊ မပေးသင့် စဉ်းစားဆုံးဖြတ်နေရ၍ အတော်ဦးနှောက်ခြောက်နေရ၏။
” ဟေ့ ရဲဘော် မင်းတို့ဗိုလ်အောင်ရှိသလား၊ ငါက သူ့ဦးလေးပဲ၊ ငါလာတယ်လို့ သွားပြောလိုက် ”
ဤကဲ့သို့ အမျိုးဂုဏ်ဝင့်၍ အထက်စီးဖြင့် လာသောသူများ။
” ဒီမယ် ဒကာလေး၊ မင်းတို့ဗိုလ်မှူးကို သွားပြောချေစမ်း၊ မန္တလေးက အာဇာနည်အသျှင်ဓမ္မိသာရကိုယ်တော် ကြွလာတယ်လို့၊သွားသွား မြန်မြန်သွား၊ ငါသူနဲ့ မတွေ့လို့မဖြစ်ဘူး”
ဤသို့ လူမြင်သမျှ ကပ္ပိယကဲ့သို့ ဆက်ဆံသော ဘုန်းကြီးများ။
” ဒါ မောင်စံလှိုင်နေတဲ့အိမ် မဟုတ်လား၊ ပြောလိုက်ပါ ကျုပ်နာမည်က့တဲ့၊ သူသိပါတယ် ”
ဤသို့ အလွန်ရင်းနှီးဟန်ဖြင့် ဘာကောင်မှန်းမသိရသောသူတို့ တစ်နေ့တစ်နေ့ နေ၀င်၍သောသွားကြပြီး ပြန်ထွက်လာသူမရှိသလောက်ဖြစ်နေ၍ ဧည့်ခန်းမဆန့်သော အခြေအနေရောက်လာသောအခါ တာဝန်ကျကင်းဗိုလ် မနေသာတော့ဘဲ
အပေါက်စောင့်ရဲဘော်ထံပြေးလာကာ-
” ဟေ့ ရဲမောင်၊ ကြည့်လဲလုပ်ပါဦးကွ၊ မင်းဥစ္စာက တွေ့သမျှလူတွေ မလွှတ်နဲ့ကွ၊ ဧည့်ခန်းတောင် မဆန့်တော့ဘူး။ ဗိုလ်မှူးခုထိ ထမင်းမစားရသေးဘူး။ ကြည့်စမ်း ဘယ်အချိန်ရှိနေပြီလဲ ဒီလိုလူတိုင်းနဲ့ လက်ခံစကားပြောနေရင်သေးတောင်
ပေါက်ရမှာမဟုတ်ဘူး ” ဟု ဆိုပါလေ၏။
ပြောမည်ဆိုလည်း ပြောစရာပင်။ လာသောဧည့်သည်များမှာ အလည်အပတ်သက်သက်၊ သားရေး သမီးရေးကိစ္စဖြင့် အချိန်ဖြုန်းလာသူများ၊ လက်အောက်ငယ်သား သူကြီးပုလိပ်တို့နှင့် ပြီးနိုင်သည့်ကိစ္စများကို နယ်မှ တကူးတကနှင့် လာရောက်ပြီး
အသိပေးတိုင်ကြားသူများ၊ လာရင်းကိစ္စကို တိုတိုတုတ်တုတ်နှင့် မပြောဘဲ စကားကြောရှည်နေသူများ စသည်ဖြင့် ဧည့်သည် အမျိုးပေါင်းစုံလှပေသည်။ ထို့ကြောင့် ဧည့်သည်များလာလျှင် အရေးကိစ္စကို အမျိုးအစားခွဲလျှက် ရုံးကိစ္စဖြစ်လျှင် ရုံးသို့စေလွတ်ရန်၊ အိမ်ကိစ္စဖြစ်လျှင် သူ့အား ဦးစွာအကြောင်းကြားရန် မှာထားသော ကင်းဗိုလ်၏အမိန့်ကို အတိအကျ နာခံရသည်။
ကင်းဗိုလ်၏ အမိန့်အတိုင်း လုပ်လိုက်ပြန်လျှင် ကင်းဗိုလ်ခမျာ သက်သာလှသည်မဟုတ်။ ဧည့်သည်တစ်ယောက်လာတိုင်း ရဲဘော်က အချက်ပေးလိုက်သည့်အခါ ကင်းဗိုလ်သည် အိမ်ပေါက်ဝမှ ခြံဝဂိတ်အထိ မီတာ ၂၀ ခန့်အကွာအဝေးကို ပြေးသွားပြေးလာလုပ်နေရသည်။
ကြာတော့ ကင်းဗိုလ်က တစ်မျိုးစီစဉ်သည်။
” ကဲ ရဲမောင်ရေ နောက်ကို ဒီလိုလုပ်ကြမှထင်တယ်၊ အိမ်ကိစ္စနဲ့ လာတဲ့လူတိုင်းလဲ ငါ့ကိုမခေါ်နဲ့တော့ကွာ၊ မင်းဖာသာ လူရိပ်လူကဲကြည့်ပြီး အထဲကိုလွှတ်သင့်တယ်ထင်မှ လွှတ်တော့ကွာ၊ တော်ရုံတန်ရုံကိစ္စနဲ့လာရင် မင်းသဘောနဲ့မင်းကြည့်ပြီး ကောင်းသလိုရှင်းလိုက် ကြားလား ”
” ဟုတ်ကဲ့ ဗိုလ်လေး စိတ်ချပါ၊ ကျွန်တော် ကြည့်လုပ်လိုက်ပါ့မယ် ” ဟု ကင်းဗိုလ်အစီအစဉ်အတိုင်း နာခံရန် ရဲဘော်ရဲမောင် ယတိဖြတ် ဆုံးဖြတ်လိုက်သည်။
ရဲဘော်ရဲမောင်သည် ဂိတ်ဝ၌ လှံစွပ်တပ် ဂျပန်ရိုင်ဖယ်သေနတ်ကိုပိုက်လျက် ဟိုမှသည်မှ လမ်းသလားနေရင်း စိတ်ကလည်း ဂနာမငြိမ်ဖြစ်နေခိုက် လူတစ်ယောက်သည် ချင်းချောင်း အဲဗင်းနယူး (ယနေ့ကမ္ဘောဇလမ်း) ဘက်မှ ရွှေတောင်ကြားလမ်းအတိုင်း သူရပ်နေသည့်နေရာသို့ နှေးကွေးစွာလျှောက်လာနေ၏။
အချိန်မှာ ညနေ ၅ နာရီနှင့် ခြောက်နာရီကြား လူလုံးလှချိန်ဖြစ်ငြားလည်း ၀ဿန်ဦးကာလ မိုးကလေးဖွဲဖွဲရွှာနေသဖြင့် မည်သူမည်ဝါဖြစ်သည်ကို မသိနိုင်ပေ။
ထိုသူသည် မိုးကလေးဖွဲဖွဲရွှာနေသည့်ကြားက ထီးမဆောင်း၊ မိုးကာမ၀တ်၊ ဘယ်ကိုမှမကြည့်ဘဲ ဦးခေါင်းငုံ့ကာ တစ်စုံတစ်ခုကို စဉ်းစားပြီးလာနေသည်ကို မြင်ရသဖြင့် သူ့အနေဖြင့် စိတ္တဇရောဂါသည်တစ်ဦးဖြစ်မည်ဟုထင်သည်။ ထိုသူသည် တဖြည်းဖြည်းနှင့်လျှောက်လာရာမှ ခြံအမှတ် (၅၆) ကို လွန်သွားပြီး လမ်းထိပ်သို့ရောက်သောအခါမှ ရုတ်တရက် တစ်စုံတစ်ခုကို သတိရဟန်ုဖြင့် ဖျတ်ခနဲ ဦးခေါင်းမော့ကာ ခြံအမှတ် (၅၆) ဘက်သို့ တစ်ချက်မျှော်ကြည့်လိုက်သည်။ ကျေနပ်ပြုံးပြုံးကာ ပြန်လှည့်လာသော်လည်း ဦးခေါင်းမှာမူ ငုံ့မြဲငုံ့နေလျှက်။
ရဲမောင်လည်း ထိုသူကိုကြည့်ရင်း ပို၍ စိတ်ဝင်စားလာသည်။ ထိုသူသည် ခြံဝင်းထဲသို့ တန်းတန်းမတ်မတ်ဝင်လာသော်လည်း မည့်သူ့ကိုမျှ ဂရုမစိုက်၊ မေးမြန်းခြင်းလည်း မရှိ။ ထိုသူသည် ရဲမောင်ရှေ့မှ ဖြတ်တက်ရန် ပြင်လိုက်သည်နှင့်တပြိုင်နက် ရဲမောင်၏သေနတ်သည် သူ၏ရင်ဘတ်ကို ကန့်လန့်ဖြတ်ကာတားထားလိုက်သည်။ ထိုအခါ ထိုသူသည် သေနတ်ကို တစ်လှည့်ရဲမောင်ကို တစ်လှည့်ကြည့်ပြီးမှ “သြော့်ရဲဘော် ခင်များကို ကျုပ်မမြင်ဘူး ” ဟု ပြောလိုက်ရာ ကြောင်တောင်ကန်းနေသောလူပဲဟုထင်ပြီး သူ၏ပုံပန်းသဏ္ဌာန်ကို လေ့လာအကဲခတ်လိုက်သည်။
ခေါင်းမွေးစုတ်ဖွား၊ မေးရိုးကားကား၊ မျက်စိပေါက်ကျဉ်းကျဉ်း၊ စွပ်ကျယ်လက်တို၊ တစ်ပတ်ရစ် ယောပုဆိုး၊ သဲကြိုးနီလေယာဉ်ပျံဖိနပ်နဲ့ ပိန်ကပ်ကပ် မွဲခြောက်ခြောက်လူတစ်ယောက်။
” ခင်ဗျား ဘယ်ကလဲ၊ ဘယ်သူလဲ၊ ဘယ်သွားမလို့လဲ ”
ရဲမောင်က ထိုသူအား သိလိုသောမေးခွန်းများကို ဆက်တိုက်မေးသော်လည်း သူကမူ မေးခွန်းများကို ပြည့်ပြည့်စုံစုံမဖြေ။ ရဲမောင်က သူ့ကိုစိတ်ဝင်စားနေသလောက် သူကမူ ရဲမောင်ကို စိတ်ဝင်စားဟန်မတူ။ သူ့ကိုကြည့်ရသည်မှာ
ခပ်ကြောင်ကြောင်ဖြစ်နေ၏။ သူသည် ရဲမောင်ကို မကြည့်ဘဲ ဗိုလ်မှူးအောင်အိမ်ကိုသာကြည့်ပြီ့း
” ဒီကိုပါပဲ၊ ကျုပ်နေတာ ဒီနားမှာပဲ ” ပြောပုံက ငုံးတိတိ ပြည့်ပြည့်စုံစုံမရှိ။
” ဒီမှာ ဗျို့ ဆရာ့ခင်ဗျား ဒီကိုလာတဲ့ကိစ္စ ပြောစမ်းပါ ”
” ကျုပ် ဗိုလ်အောင်နဲ့တွေ့ချင်လို့ ”
” ရုံးကိစ္စလား ၊ အိမ်ကိစ္စလား ”
“ အိမ်မှာတွေ့ပြီး ပြောမှဖြစ်မယ့် ရုံးကိစ္စပဲ ”
” ဟင် ”
သူပြောလိုက်သောစကားကြောင့် ရဲမောင် ကြောင်အမ်းအမ်းဖြင့် ပါးစပ်အဟောင်းသားဖြစ်သွားသည်။ သူကဆက်ပြောပြန်သည်။
” ကျုပ်အဖို့ အိမ်ဟာလဲရုံး၊ ရုံးဟာလဲအိမ်ပဲ။ အိမ်နဲ့ ရုံးကို ခွဲခြားနေလို့ အချိန်မရဘူးရဲဘော်၊ ဒါကြောင့် အခုကျုပ့်”
စကားကို အဆုံးမသတ်ဘဲ ခြံတွင်းသို့ ပြောပြောဆိုဆို ဇွတ်အတင်းဝင်လာသည်။ ရဲမောင်လည်း စက္ကန့်ပိုင်းမျှ သူ၏အပြုအမှုကို အံ့ကားသင့်ကာ ကြည့်နေပြီးမှ ကပျာကယာ သူ၏လက်မောင်းကို ပြေးကိုင်ပြီး ခြံပြင်သို့ဆွဲထုတ်လိုက်သည်။
သူလည်း ရဲမောင်၏လက်၌ ယက်ကန်ယက်ကန်ဖြင့်ပါလာရင်း ခြံပြင်သို့ ရောက်သည်နှင့် ရဲမောင်၏မာန်မဲကြိမ်းမောင်းခြင်းကို ခံရတော့သည်။ ရဲမောင်က ဆူပူကြိမ်းမောင်းသော်လည်း သူကမူအပြုံးမပျက်။ သူအပြုံး မပျက်လေ ရဲမောင်က ဒေါပွလေဖြစ်တယ်။
“ ခင်ဗျား ဘယ်လိုလူလဲဟင်၊ ခင်ဗျား ဘာကောင်လဲ၊ ဒီလိုဗိုလ်မှူးတစ်ယောက်ရဲ့အိမ်ထဲကို ၀င်ချင်တိုင်းဝင်လို့ရမလား၊ ခင်ဗျား တယ်ဇွတ်တရွတ်နိုင်တဲ့လူပါလား၊ ခင်ဗျားကို ဘယ်သူကခွင့်ပေးလို့လဲ ”
ရဲမောင်က ဒေါပွပွဖြင့် သူ့အားကြိမ်းမောင်းနေစဉ်မှာပင် သူသည် ရဲမောင်ကြိမ်းမောင်းသမျှကို စိတ်ရှည်လက်ရှည်နားထောင်ပြီးမှ စကားတခွန်းကို လေးတွဲ့စွာ ပြောလိုက်သည်။
” မဟုတ်ဘူး ရဲဘော်၊ ကျုပ်ဟာ အောင်ဆန်းပဲ။ ရဲဘော် ကျုပ်ကို မသိလို့ ဖြစ်ပါလိမ့်မယ်၊ ရဲဘော်တို့ ကင်းဗိုလ်ကို ခေါ်လိုက်ပါလေ၊ ကျုပ်သူနဲ့တွေ့ပါ့မယ် ”
ထိုအခါမှ ရဲမောင်ခေါင်းထဲ အကြောင်းတစ်ရပ် ဖျတ်ခနဲဝင်လာသည်။
(ဗိုလ်တေဇခေါ် သခင်အောင်ဆန်း)
ရဲမောင်လည်း သခင်အောင်ဆန်းဟူသော နာမည်ကိုကြားလိုက်သည်နှင့် ပါးစပ်အဟောင်းသားပွင့်ကာ သူ့အားခြေဆုံးခေါင်းဆုံး စေ့စေ့ကြည့်ရင်း ယုံရခက်မယုံရခက်ဖြစ်နေတာ့၏။ ဝေခွဲမရသော မျက်လုံးများဖြင့် သူ့အား တဒင်္ဂ တွေဝေငေးငိုင်၍
ကြည့်နေမိသည်။ သူသည် ရဲမောင်၏ အတွင်းစိတ်ဓာတ်ကို ရိပ်စားမိသည်ထင်ရဲ့။
” ကဲပါလေ ကင်းဗိုလ်ကိုသာ ခေါ်လိုက်ပါရဲဘော်၊ ကျုပ် ချမ်းလှပြီ ” ဟု ဆိုရှာသည်။
သူက ဤသို့ပြောလိုက်မှ ရဲမောင်အနေဖြင့် ဘုမသိဘမသိ ဆုံးဖြတ်လိုက်ခြင်းထက် ကင်းဗိုလ်၏အကူအညီကိုယူပြီးဆုံးဖြတ်ခြင်းက အကောင်းဆုံးဖြစ်မည်ဟု တွေးမိသဖြင့် ကင်းဗိုလ်ထံသို့ ခွန်းဆင့်၍ခေါ်လိုက်ရသည်။ အဘယ်ကြောင့်ဆိုသော်
ကင်းဗိုလ်တာဝန်ယူထားသူ ဗိုလ်ကျော်ဒင်မှာ အရာရှိတစ်ဦးဖြစ်သဖြင့် တပ်မတော်မှ အရာရှိကြီး အတော်များများကို သိထားသူဖြစ်သောကြောင့်ပင်။
ဗိုလ်ကျော်ဒင်လည်း ခေါ်သံကြောင့် ကင်းဂိတ်သို့ ဒရောသောပါးပြေးလာကာသူ့ကိုယ်သူ ” အောင်ဆန်း ” ပါဟုပြောနေသူကို မြင်လိုက်သည်နှင့်တစ်ပြိုင်နက် ဖျတ်ခနဲ အလေးပြုလိုက်ရင့်း
” ဟာ ဗိုလ်ချုပ်၊ ရေတွေစိုလို့ပါလား၊ ကြွပါဗိုလ်ချုပ် အထဲကိုကြွပါ ” ဟု ပြောပြောဆိုဆို ခရီးဦးကြိုပြုလိုက်လေသည်။
ရဲမောင်လည်း စောစောက ကြမ်းကြမ်းရမ်းရမ်း ဆက်ဆံလိုက်မိသော အပြုအမှုကြောင့် ငါမှားလေခြင်း၊ ငါမိုက်လေခြင်းဟု မိမိကိုယ်မိမိ အပြစ်တင်ကာ နောင်တရလို့မဆုံးဖြစ်နေတော့၏။
သူတို့ထွက်သွားကြပြီး မကြာမီမှာပင် ဗိုလ်ကျော်ဒင် သုတ်သီးသုတ်ပျာနှင့် ပြေးလာ၏။ သူ့နောက်မှာလည်း ရဲဘော်တစ်ယောက် အပိုပါလာ၏။
” ဟေ့ ရဲမောင်၊ မင်း ဗိုလ်ချုပ်ကို ဘာလုပ်လိုက်သလဲ ဟင် ”
” ဟာ ဗိုလ်ချုပ်မှန်း ဘယ်သိမလဲဗျ။ ယူနီးဖောင်းမပါ ဘာမပါနဲ့၊ သူ့ကိုလဲ ကျွန်တော်သိတာမှ မဟုတ်ဘဲ။ နောက်ပြီး သူကလဲ ဘာမှပြောတာမဟုတ်ဘူး၊ အပြင်ကို ဆွဲထုတ်ပြီး သူကပြောတာ၊ အဲဒီတော့မှ ကျွန်တော်လဲ ဗိုလ်လေးကို ခေါ်လိုက်ရတာ ”
” အဲဒါမှ စောက်ဂွပဲကွာ၊ အစကဘာလို့ ငါ့ကိုမပြောတလဲ ဟကောင်ရ ”
” နို့ ဗိုလ်လေးက လူကဲခတ်ပြီး ကြည့်လုပ်ရမယ်ဆို ”
” အားပါး ကျွတ် ကျွတ် ကျွတ် ကျွတ် ”
ကင်းဗိုလ်သည် သူ့နဖူးကို လက်ဝါးဖြင့်ရိုက်လျှက် ငရုတ်သီးစပ်သလို ညည်းညူလိုက်ပြီ့း
” ကဲ ဒါဖြင့် ငါနဲ့လိုက်ခဲ့၊ ဗိုလ်ချုပ်က မင်းကို ခေါ်ခိုင်းလိုက်လို့၊ ငါတော့ သေသာသေချင်လိုက်တော့တာပဲ ရဲမောင်ရာ ”
နောက်မှပါလာသော ရဲဘော်အား ရဲမောင်နေရာ၌ ခေတ္တအစားထားပြီး ဗိုလ်ချုပ်ရှိရာ ဧည့်ခန်းသို့ သူတို့နှစ်ယောက်အတွေးကိုယ်စီဖြင့် ရောက်သွားကြသည်။
ဧည့်ခန်းအတွင်း စန္ဒရားခုံကို ဖင်တစ်ဝက်မှေးကာ မတ်တပ်ရပ် လက်ပိုက်လျက် ခေါင်းငုံ့ရင်း တစ်စုံတစ်ရာကို စဉ်းစားနေသော သခင်အောင်ဆန်းအနီး၌ ဗိုလ်မှူးအောင်သည် တည်ငြိမ်သောအပြုံးဖြင့် ဆိုဖာတစ်လုံးပေါ်တွင် ထိုင်နေသည်။
ရဲဘော်ရဲမောင်သည် ဧည့်ခန်းဝသို့ရောက်နေသော်လည်း အတွင်းသို့ဝင်ရန် မ၀ံ့မရဲဖြစ်နေသည်။ ခြေနှစ်ဖက်က နောက်သို့ ဆွဲနေသည်။
ဗိုလ်ကျော်ဒင်၏ စစ်သံပါပါ အော်ဟစ်ကာ သတင်းပို့လိုက်သောအသံကြောင့် ကျောက်ရုပ်ပမာ ငြိမ်ချက်သားကောင်းနေသာ ဗိုလချုပ်သည် တဖြည်းဖြည်း ခေါင်းမော့လာကာ စောစောက သူ့ကို ရဲမောင်ကြည့်ခဲ့သော အကြည့်မျိုးဖြင့်
ရဲမောင်ကို ပြန်ကြည့်၏။ ၀ဋ်ဆိုသည်မှာ မသေမီကပင် လိုက်တတ်သည်ကို ရဲမောင် ကောင်းကောင်းကြီး နားလည်လိုက်သည်။
ထို့နောက် ဗိုလ်ချုပ်သည် သူ၏ မေးဖျားကို လက်ဖြင့်ပွတ်သပ်နေရင့်း
” အင်း ရဲဘော်နာမည် ”
” ရဲမောင် ”
” တပ်ထဲဝင်တာ မကြာသေးဘူးထင်တယ် ”
” ဟုတ်ကဲ့ ”
” အင်း ”
စကားမဆက်သေးဘဲ စဉ်းစားနေရာက့
” အေးပေါ့ကွာ၊ ရဲဘော်ရဲ့တာဝန်ကျေပွန်မှုကို ချီးကျူးပါတယ် ဟုတ်လား၊ စောစောကကိစ္စကို ဘာမှခေါင်းထဲထည့်ပြီး စဉ်းစားမနေနဲ့ ဟုတ်လား။ ဒီအချိန်မှာ ဒီလိုလုပ်ရမှာပဲ၊ အဲဒါ ရဲဘော်မှန်ကန်တယ်ဟုတ်လား၊ ကဲကဲ သွားနိုင်ပြီ ”
ဗိုလ်ချုပ်၏နှုတ်ဖျားမှထွက်လာသော စကားကို ရဲဘော်ရဲမောင် သံသယဖြစ်နေရှာသည်။ ဟုတ်မှဟုတ်ပါ့မလားဟု ၀မ်းမသာရဲအောင် ဖြစ်နေလေသည်။
ထို့ကြေင့် ” ခင်ဗျာ ” ဟု နားမရှင်းဟန်ဖြင့် ထပ်မေးတော့မှ ” သြော် ရဲဘော်မမှားဘူး။ အဲဒါကိုပြောတာ၊ ဒီတော့ လုပ်စရာရှိတာ ဆက်လုပ် ဟုတ်လား။ အေး တစ်ခုသတိထား၊ စိတ်လိုက်မာန်ပါ မလုပ်နဲ့ အဲဒါပဲ ”
ရဲဘော်ရဲမောင်လည်း ဗိုလ်ချုပ်စကားဆုံးသည်နှင့်တစ်ပြိုင်နက် မူလတာဝန်ကျရာ ဂိတ်ဝသို့ ကလေးငယ်ပမာ ခုန်ပေါက်မြူးထူးကာ အပြေးအလွှားရောက်လာသည်။ စောစောက ရင်းတွင်း၌ ပူလောင်လှသော ဝေဒနာလည်း
ကြက်ပျောက်ငှက်ပျောက် ပျောက်ကုန်လေပြီ။
ရဲဘော်ရဲမောင်သည် ဗိုလ်ချုပ်၏ လူကြီးဆန်ဆန် လက်အောက်ငယ်သားအပေါ် ခွင့်လွတ်တတ်သော အပြုအမှုကို ကြည်ညိုလေးစားမဆုံး ရှိနေတော့၏။
သူ့လို တပ်ထဲဝင်စ အညတရ ရဲဘော်လေးအား ဗိုလ်ချုပ်၏ လူကြီးဆန်ဆန်ခွင့်လွတ်တတ်သော စိတ်ဓာတ်ကိုကြည့်၍ ဗိုလ်ချုပ်အား သေတစ်ပန်သက်တစ်ဆုံး လေးစားမဆုံး၊ ကြည်ညိုမဆုံးဖြစ်နေပါတော့သည်။ နယ်ချဲ့စစ်တပ်များမှ ကြေးစား အရာရှိကြီးများနှင့် မြန်မာ့လွတ်လပ်ရေး တပ်မတော်မှ မျိုးချစ်အရာရှိကြီးများ၏ ခြားနားမှုကိုလည်း စံပြုရန် နှိုင်းယှဉ်မိတော့သည်။
ရေးသားသူ – တက္ကသိုလ်ခင်မောင်ဇော်
News Watch Weekly ( စောင့်ကြည့်သတင်းဂျာနယ် ) အတွဲ (၅) အမှတ် (၄၃) ဗုဒ္ဓဟူး ၂၆-၅-၂၀၁၀ နေ့ထုတ် ပြည်တွင်းဆောင်းပါးကဏ္ဍမှ တဆင့်ပြန်လည်ဖော်ပြသည်။
မှတ်ချက်။ ။ ကျွန်တော်က အဲဒီလိုဗိုလ်ချုပ်ရဲ့ လူသိနည်းတဲ့ အဖြစ်အပျက်လေးတွေ အကြောင်းအရာလေးတွေကို စိတ်ဝင်စားပြီး သိချင်တယ်။ ဖတ်ချင်တယ်။ တခြားလူတွေလည်း စိတ်ဝင်စားမယ်ထင်လို့ ပြန်လည်ဝေမျှလိုက်တာပါ။ နောက်ဆိုရင်လည်း ကြိုက်မိတဲ့ ဆောင်းပါးတွေကို ဒီလိုပဲဖော်ပြပေးသွားမှာပါ။
လေးစားစွာဖြင့်
ထွေးငယ်
June 2, 2010 - Posted by Htwe Nge - 1 Comment
အကယ်၍
မင်းအသိုင်းအ၀ိုင်း တုန်လှုပ်ခြောက်ခြားပြီး
ဒါတွေဟာ မင်းကြောင့်လို့ ၀ိုင်းဝန်းအပြစ်တင်ကြတဲ့အခါ
မင်းဟာ တည်ငြိမ်စွာနဲ့ ရင်ဆိုင်နိုင်မယ်ဆိုရင် . . .
အကယ်၍
အားလုံးက မင်းကို မယုံသင်္ကာဖြစ်လာတဲ့အခါ
သူတို့ကို နားလည်စွာ ခွင့်လွှတ်ရင်းနဲ့
မင်းကိုယ်မင်း ယုံကြည်မှု အပြည့်ရှိမယ်ဆိုရင် . . .
အကယ်၍
စောင့်သင့်တဲ့အချိန်ကို စောင့်နိုင်ပြီး
အဲဒီအတွက်လည်း မမောမပန်း နေနိုင်မယ်ဆိုရင် . . .
ဒါမှမဟုတ်
မင်းရဲ့အကြောင်း မဟုတ်မတရား မုသားစကားကြားရတဲ့အခါ
မင်းကလည်း အလိမ်အညာတွေနဲ့ မတုန့်ပြန်ဘူးဆိုရင် . . .
ဒါမှမဟုတ်
မင်းကို လူတကာက ၀ိုင်းဝန်းမုန်းတီးတဲ့အခါ
မင်းကလည်း အမုန်းတွေ ပြန်မပွားဘူးဆိုရင် . . .
အကယ်၍
စိတ်ကူးယဉ်အိပ်မက်တွေဟာ
မင်းအပေါ် မလွှမ်းမိုးစေဘဲ
စိတ်ကူးနိုင်မယ်ဆိုရင် . . .
ပြီးတော့
အတွေးအခေါ် စိတ်ကူးတွေဟာ
မျှော်မှန်းချက်သက်သက်သာ မဖြစ်စေဘဲ
တွေးခေါ်နိုင်မယ်ဆိုရင် . . .
အကယ်၍
အောင်မြင်မှုသုခနဲ့ ဆုံးရှုံးမှုဒုက္ခတွေကို ကြုံတွေ့ရတဲ့အခါ
တူညီသော လောကဓံတရားတွေပါလားရယ်လို့
ခံယူထားနိုင်မယ်ဆိုရင် . . .
အကယ်၍
မင်းရဲ့ အမှန်စကားတွေကို
လူလိမ်လူညာတွေက လှည့်စားပြောင်းလဲပြီး
မုသားအဖြစ် ထောင်ချောက်ဆင် ညစ်တဲ့အခါ
မင်းဟာ တည်ငြိမ်စွာနဲ့ နာကြားနိုင်မယ်ဆိုရင် . . .
အကယ်၍
မင်းဘ၀တစ်ခုလုံးပေးပြီး
အရိပ်တကြည့်ကြည့်နဲ့ ဖြည့်ဆည်းခဲ့ရတဲ့ အရာရာကို
ဖျက်ဆီးခံလိုက်ရပြီးတဲ့နောက်
အင်မတန်မှသေးငယ်တဲ့ တန်ဆာပလာ အရာရာနဲ့
ပြန်လည်တည်ဆောက်နိုင်မယ်ဆိုရင် . . .
အကယ်၍
မင်းနိုင်ခဲ့သမျှတွေအားလုံး
ကြွေတလှည့်ကြက်တခုန်ပမာ
တလှည့်တခါတည်းနဲ့ ဆုံးရှုံးသွားခဲ့ရင် . . .
ပြီးတော့
အစကနေ ပြန်စနိုင်မယ်ဆိုရင် . . .
ပြီးတော့တခါ
ဆိုးလှတဲ့ကံကြမ္မာရယ်လို့
ဘယ်သောအခါမှ ညည်းညူမနေဘူးဆိုရင် . . .
အကယ်၍
သူများတကာတွေ လုပ်ပြီးသွားကြလို့
အချိန်အတော်ကြာမှ မင်းအလှည့်ရောက်လာတဲ့အခါ
မင်းတယောက်တည်းနဲ့ပဲ
အားနဲ့မာန်နဲ့ ဇွဲသတ္တိရှိရှိ ဆက်ကြိုးစားနိုင်မယ်ဆိုရင် . . .
အဲဒီလိုပဲ
မင်းမှာ စိတ်အင်အားကလွဲလို့ ဘာဆိုဘာမှ မရှိတော့တဲ့အခါ
အဲဒီစိတ်အင်အားကို ခိုင်မာစွာနဲ့ပဲ
လက်ဆုပ်လက်ကိုင် ထားနိုင်မယ်ဆိုရင် . . .
အကယ်၍
လူတွေနဲ့ ထိတွေ့ဆက်ဆံ ပြောဆိုတဲ့အခါ
ကိုယ်ကျင့်သိက္ခာကို စောင့်ထိန်းနိုင်မယ်ဆိုရင် . . .
ဒါမှမဟုတ်
မင်းဧကရာဇ်တွေနဲ့အတူ လမ်းလျှောက်နေရပေမယ့်
မာန်၊ မာန သွေး မကြွဘူးဆိုရင် . . .
အကယ်၍
ရန်သူကဖြစ်စေ၊ မိတ်ဆွေကဖြစ်စေ
မင်းကို နာကျည်းအောင် မလုပ်နိုင်စေရင် . . .
အကယ်၍
လူတိုင်းကို တန်ဖိုးထားလေးစားပေမယ့်
စွဲလမ်းမှု သံယောဇဉ်တွေ ထားမနေဘူးဆိုရင် . . .
အကယ်၍
တိုတောင်းလှတဲ့ မပစ်ပယ်နိုင်တဲ့ တမိနစ်အတွင်းမှာ
အဓိပ္ပာယ်ရှိတဲ့ စက္ကန့်ခြောက်ဆယ်အဖြစ် အသုံးချနိုင်မယ်ဆိုရင် . . .
ငါ့သားရေ
မင်းဟာ အရာရာရှိတဲ့ အရာရာဖြစ်တဲ့ ကမ္ဘာကြီးကို ဆုပ်ကိုင်လို့
အရာရာ ဘာမဆို မင်းစွမ်းနိုင်ပြီပေါ့
အဲဒီတော့ မင်းဟာလည်း ယောက်ျားကောင်းတယောက်ပဲပေါ့။ ။
(ဘာသာပြန်သူ-ဒေါ်အောင်ဆန်းစုကြည်)
သူငယ်ချင်းတယောက်ဆီက forward အနေနဲ့ ရခဲ့တဲ့ စာတိုစာစလေးပါ။
ကျွန်တော်တို့ရဲ့ဘ၀မှာ အဲဒီလိုခက်ခဲတဲ့ အချိန်တွေ မလွဲမသွေ ကြုံရမှာပါ။ အဲဒီလို ခက်ခဲတဲ့အချိန်တွေကို ဒီကဗျာလေးထဲကလို ကျော်ဖြတ်နိုင်စေဖို့
May 21, 2010 - Posted by Htwe Nge - 3 Comments
တို့အတူလျှောက်ခဲ့တဲ့ ရောင်စုံလမ်းမတွေ
ငါတို့အတူရှိခဲ့ကြတဲ့ အရောင်တောက်တောက် ညနေတွေ
ငါတို့အတူကုန်ဆုံးခဲ့တဲ့ ကြယ်မစုံမလင်နဲ့ညတွေ
ငါတို့အတူဝေမျှခံစားခဲ့တဲ့ ဒဏ်ရာနက်နက်တွေ
ငါတို့အတူသီဆိုခဲ့တဲ့ ရောခ့်သံစဉ်တွေ
ငါတို့အတူဟစ်အော်ခဲ့တဲ့ လောကကြီးကို မကျေနပ်သံတွေ
အမြဲအမှတ်ရနေမယ့် ငါတို့ရဲ့ ဟာသအပိုင်းအစတွေ
အရာအားလုံးက ငါလွမ်းသလို မင်းကိုလွမ်းနေလေရဲ့
ပြီးတော့ မင်းသိစေချင်တယ်
ငါတစုံတယောက်ရဲ့ ပုခုံးပေါ်မှာ ငိုဖူးတယ် (အဲဒါမင်းပဲ)
သူငယ်ချင်း
တခါတလေ အ……ရမ်း…….လွမ်း…….တယ်
အဝေးရောက် သူငယ်ချင်းတယောက်အတွက် အမှတ်တရ ရေးဖွဲ့သည်။
May 17, 2010 - Posted by Htwe Nge - 4 Comments
အထပ်မြင့်တိုက်ကြီးတွေထက်ခိုင်မာတဲ့ တောင်တန်းပြာပြာနဲ့
အာဟာရပြည့်ဝတဲ့ မြေနီနီတွေရှိတယ်
ကလေးတယောက်လို ဖြူစင်တဲ့ တိမ်လွှာလွှာတွေနဲ့
ရိုးရှင်းစွာ မြူးကြွစေတဲ့ အိုးစည်သံတွေရှိတယ်
မှော်ဆန်တဲ့ ခံစားမှုကိုပေးတဲ့ နှင်းမြူတွေနဲ့
ခပ်ရှင်းရှင်းပြောတတ်တဲ့ စကားသံဝဲ၀ဲတွေရှိတယ်
အမြဲထိန်းသိမ်းထားတဲ့ ရိုးရာဓလေ့တွေနဲ့
ဟန်ဆောင်မှုကင်းတဲ့ အပြုံးမျက်နှာတွေရှိတယ်
အရိုးခံတဲ့ ဖော်ရွေမှု့တွေအပါအ၀င်ပေါ့
အဲဒီနေရာလေးဟာ
ငါနဲ့ဝေးနေတယ်
နောက်ဆုံးပေါ် နည်းပညာနဲ့ ဆန်းပြားမှုတွေ မရှိဘူး
အရမ်းသဘာဝဆန်လွန်းလို့
တခါတရံ အနည်းငယ် ငြီးငွေ့စရာကောင်းတယ်
ဒါပေမယ့် ငါ့ကိုမွေးဖွားပေးခဲ့တဲ့ အဲဒီနေရာလေးကို
ငါ………….ချစ်တယ်
ရှမ်းပြည်နယ်တောင်ပိုင်း ရွှာလေးတရွှာသို့
May 12, 2010 - Posted by Htwe Nge - 3 Comments
ဧပြီ ၁၁
သထုံမြို့မှာရှိတဲ့ ဘုရားငါးဆူတောင်ပေါ်ရောက်တယ်ဗျာ။ ဘားအံရောက်တယ်။
(သင်္ကြန်မှတ်တမ်းက ရှည်လျှားမှာမို့လို့ တိုတိုရှင်းရှင်းရေးရတာပါ။ ထွေးငယ်တကောင် ညကြီးမင်းကြီးမှာ ပူပူလောင်လောင်နဲ့ ကွန်ပြူတာရှေ့မှာ
တယောက်ထည်း တကောင်ထည်း ဒုက္ခခံရလို့ မဟုတ်ပါဘူး။ စာဖတ်တဲ့ သူငယ်ချင်းတွေ မျက်လုံးညောင်းမှာစိုးလို့ပါ 
)
သထုံမြို့မှ ဘုရားငါးဆူတောင်တနေရာ
ဘုရားငါးဆူတောင်ဆင်းလမ်း
ကရင်ပြည်နယ်ရဲ့ သံလွင်တံတားကြီး
သံလွင်တံတားကြီးရဲ့ ညာဘက်ရှူ့ခင်း
သံလွင်ရဲ့ နေ၀င်ချိန်
သထုံမြို့မှ ဟိန္ဒူဘုရားပွဲတခု
အလှူငွေထည့်တော့ ငှက်ပျောသီးလေးတလုံးရယ် ပန်းလေးတပွင့်ရယ် စက္ကူနဲ့ထုပ်ထားတဲ့ ပြာလေးရယ်ပေးတယ်
ဧပြီ ၁၂
ဒီနေ့တော့ ဘားအံ။ အဲဒီကနေ မော်လမြိုင်ရောက်တယ်။ အဖေကလဲ ပါတယ်ဗျ။ အလုပ်ကိစ္စနဲ့ပတ်သက်ပြီး။ ကံကောင်းတယ် ပြောရမယ်။ မော်လမြိုင်တံတားကြီးပေါ်ကဖြတ်တော့ နေကအတော်လေးကို စောင်းနေပြီ။
ကျွန်တော်ချစ်တဲ့ မော်လမြိုင်တံတားကြီးနဲ့ နေ၀င်ချိန်ကို အမိအရတော့ ရိုက်လိုက်တာပဲဗျာ။
ဘားအံမြို့မှ စက်သုံးဆီတဆိုင်
ဂျိုင်း-အတ္တရံ တံကား
မွန်တို့ဌာနေ
မော်လမြိုင်ဈေးထဲမှာ
မော်လမြိုင်တံတားကြီးရဲ့ နေ၀င်ချိန်
ကားလမ်းနဲ့ ရထားလမ်းဆံရာ
မွန်တို့ဌာနေ
ဧပြီ ၁၃ (အကြိုနေ့)
အဖေက တောင်ပေါ်ပြန်မယ်ဆိုတာနဲ့ အဖေ့ကို ကန်တော့ကြတယ်။ မောင်နှစ်မတွေတော့ မစုံဘူးဗျ။ အစ်မအကြီးဆုံးနဲ့ ထွေးငယ်အောက်က မောင်လေးနှစ်ယောက်က
အောင်ပန်းမှာ။ အမေကတော့ တရားစခန်းကို ဒိုးသွားလေရဲ့။ ရှိနေရင်လည်း အဖေ့ကိုရှောင်နေရတာနဲ့တင် အလုပ်တွေရှုပ်နေမှာဆိုတော့ တရားစခန်းဝင်တာပဲ
သားသမီးတွေအတွက်ပိုကောင်းပါတယ်။ အလုပ်ဖြစ်တာ ၃-၄နှစ်လောက်ရှိနေပြီဖြစ်တဲ့ အဖေ့ကန်တော့ပွဲလေး ဒီနှစ်လုပ်ဖြစ်သွားတယ်။ အရင်ကဆိုရင် တနှစ်တခါ မိသားစုဆုံ။ အဖေ့နဲ့ အမေ့ကို ကန်တော့။
အမေကတော့ ကျမ်းမာပါစေ ချမ်းသာပါစ သွားလေရာလာလေရာ ဘေးရန်ကင်းပါစေဆိုပြီး ကြုံတော့ကြုံခဲ ဆုံတော့ဆုံခဲ သားသမီးကိုးယောက်ကို မျက်ရည်စမ်းစမ်း
အသံတုန်တုန်နဲ့ ဆုပေးတတ်ပါတယ်။ အဖေကတော့ ဘယ်ဆုမဆိုပေးလို့ရတယ် ဒါပေမယ့် အဲဒီဆုကိုရဖို့ဆိုတာက ကိုယ်တိုင်ကြိုးစားမှ ဖန်တီးယူမှသာ ရနိုင်တာဆိုတာနဲ့
အစချီပြီး အနည်းဆုံး-၃-၄နာရီကနေ ၅-၆နာရီလောက်ထိ ကြာတတ်ပါတယ်။ အဲဒီအချိန်မှာ ဘယ်သမီးကဘယ်လို ဘယ်သားကဘယ်လိုနဲ့ အသေးစိတ်ပေါ့။ သူ့ငယ်ဘ၀ဇာတ်ကြောင်းတွေနဲ့
အတူ အဖိုးနဲ့နှစ်ယောက်ထည်း ဘယ်လိုရုန်းကန်ခဲ့ရ ဒုက္ခတွေကြားက ဘယ်လိုတည်ဆောက်လာခဲ့ရတယ်ဆိုတာကိုလည်း ဆုံးမစကားပြောတိုင်း မမောနိုင်မပန်းနိုင် ပြောတတ်သူပါ။
တရားပွဲ၂နာရီလောက်ကို ဖင်တကြွကြွ စိတ်မရှည်ဖြစ်တတ်တဲ့ ကျွန်တော်တို့မောင်နှစ်မတတွေဟာ အဖေ့ရဲ့နာရီပေါင်းများစွာကြာရှည်တဲ့ ဆုံးမစကားတွေကိုတော့ စိတ်ဝင်တစား
နားထောင်တတ်ကြပါတယ်။ မိဘစကားကို နားထောင်တတ်တဲ့ လိမ်မာတဲ့ သားသမီးတွေ ဖြစ်လို့ မဟုတ်ပါဘူး။ အဖေကိုယ်တိုင်က စကားကို အချက်ကျကျ လူစိတ်ဝင်စားအောင်
မငြီးငွေ့အောင်ပြောတတ်လို့ပါပဲ။ ကျွန်တော်တို့သားသမီးတင်မဟုတ်ပါဘူး သူ့တပည့်တပန်းတွေကို ဆုံးမတဲ့အခါမှာလည်း အဲဒီလိုပါပဲ။ တခါတရံ တွေးမိတယ်။ အတန်းပညာတောင်
မသင်ခဲ့ရပဲ ဘုန်းကြီးကျောင်းပညာရေးနဲ့သာ ကြီးပြင်းလာခဲ့တဲ့ အဖေ့ဆီမှာ ဘယ်ကဘယ်လို ဒီလောက်ဗဟုသုတ အသိညဏ်တွေကြွယ်ဝနေရတာလဲဆိုပြီး။ ကဲဗျာ နောက်ကြုံတော့မှပဲ
အဖေ့အကြောင်းကို သီးသန့်ရေးပါအုံးမယ်။
မောင်လေး၃ယောက် အစ်ကိုဝမ်းကွဲ၂ယောက် ဒုလဘ္ဘ၀တ်ဖို့ ဘုရားငါးဆူတောင်ပေါ်ကိုတက်ကြတယ်။
ဆံပင်တွေဟာ အညစ်အကြေးတွေပါတဲ့
ဘုရားသားတော်အဖြစ်သို့
ဘုရားငါးဆူတောင်ပေါ်မှာ
ဧပြီ ၁၄ (အကြတ်နေ့)
ဒီနေ့ မော်လမြိုင်သွားတယ်။ ရေပက်ခံကား အပျံစားကြီးနဲ့လို့ မထင်လိုက်ပါနဲ့။ ကော်ဖီကားကြီးနဲ့ပါ။ ကားကြီးပေါ်ကနေ သထုံမြို့ရဲ့ သင်္ကြန်မြင်ကွင်းကို ဓာတ်ပုံလှမ်းရိုက်တာ သိပ်တော့အဆင်မပြေလှ။
တော်ပါသေးရဲ့ သထုံမြို့လဲ သင်္ကြန်ဆိုတာ ရေတွေစိုနေရမယ့် အချိန်ကာလဆိုတာ သိသေးလို့။ တရားစခန်းတွေမှာသာ စည်ကားပြီး မြို့ဝန်းကျင်ကတော့ ကြာလေခြောက်ကပ်လေ။
မော်လမြိုင်ရောက်တော့ ကော်ဖီချနေတဲ့အချိန် သူငယ်ချင်းနဲ့၂ကောင်သား မုန့်ဟင်းခါးသွားစားလိုက်လို့ ကံကောင်းထောက်မစွာ မော်လမြိုင်သင်္ကြန်ပုံလေးတွေရလိုက်တယ်။ အားလုံးပြီးစီးတော့ ကားနှစ်စီးနဲ့ ဘားအံကိုခရီးဆက်ကြတယ်။
ကော်ဖီကားကြီးရယ် လမ်းကြုံတာနဲ့သူများကားနား ကပ်စီးလာတဲ့ ပါပလေကာလေးရယ်။ အမကအရှေ့မှာ။ သူငယ်ချင်းနှစ်ယောက် အနောက်ကနေ မွန်ပြည်နယ်ရဲ့ ညအလှကိုခံစားပြီး လာနေချိန်ပေါ့။
နေ့လည်နေ့ခင်းမှာ မြစ်ရေ စိမ်းစိုနေတဲ့ တောင်ကုန်းတွေနဲ့ လှပနေတဲ့ ဂျိုင်း-အတ္တရတံတားလေးလဲ ညအခါမှာတော့ မီးတိုင်တွေတတိုင်မှ မလင်းပဲ ကြိုးတွေနဲ့တန်းစီချည်းထားတဲ့ ဖန်ချောင်းလေးတွေနဲ့ အလှတွေမဲ့လို့။ ဂျာနယ်လစ်ဇင်သင်တန်းဆင်း
မမနှစ်ယောက် ဒါသတင်းပဲဆိုပြီး နှစ်ကောင်သား မှတ်တမ်းတင်ဖို့ ကြိုစားပါသေးတယ်။ ဒါပေမယ့် သူ့ကင်မရာကလည်း အလန်စား ကိုယ့်ကင်မရာလေးကလည်း အမိုက်စားဆိုတော့ ထိုင်ကြည့်ရုံပေ့ါဗျာ။
အဲဒီလို လျှပ်စစ်မီးတွေမဲ့ ကြယ်လေးတွေ မှုန်ပြပြလင်းနေတဲ့ ညအလှလေးကို ပန်းကန်ပြားနဲ့ ခံစားပြီးလာနေချိန်မှာ ရုတ်တရက် အရှိန်နဲ့ခါရမ်းသွားတဲ့ ကားကို သတိထားလိုက်မိရင်း ရှေ့ကိုကြည့်လိုက်တော့ ကားဆီကိုတည့်တည့်ဝင်လာနေတဲ့ ခပ်စူးစူးမီးရောင်တခု။
ဘာကိုမှ အဖြေမထုတ်နိုင်သေးခင်မှာပဲ အရှိန်နဲ့ယိမ်းထိုးနေတဲ့ ကားကရုတ်တရက်ရပ်တန့်သွားပြီး နောက်ဆုံးနာမှာ ထိုင်နေတဲ့ ခန္ဓာကိုယ်က အရှိန်နဲ့ရှေ့သို့။ ခေါင်းနဲ့ကားမှန်နဲ့ ဒိန်းဆိုတဲ့ မိတ်ဆက်သံ။
ချာချာလည်သွားတဲ့အသိနဲ့အတူ တစုံတခုတော့ ဆိုးဆိုးရွှားရွှားဖြစ်ပြီဆိုတာကို နားလည်လိုက်တယ်။
သူငယ်ချင်းရဲ့ နင်ဘာဖြစ်သွားသေးလဲဆိုတဲ့ စိုးရိမ်တကြီးမေးသံကို တော်တ်ာနဲ့စကားမပြန်နိုင်။ ဘာမှမဖြစ်ဘူး ရတယ်။ ခုလောလောဆယ် အရေးကြီးနေတာက အရှေ့မှာ ဘာဖြစ်သွားလဲဆိုတာပဲ။ ကိုယ်ကို့ကိုယ်ထိန်းရင်း ရလောက်ပြီဆိုတာ
အောက်ဆင်းပြီး ကြည့်လိုက်တော့ အခြေအနေကမကောင်းတော့။ ဆိုင်ကယ်တစီးရဲ့ ခေါင်းတခြမ်းလုံးက ကားအောက်မှာ။ ဆိုင်ကယ်ရဲ့အောက်မှာ အသက်၂၀ကျော်အရွယ် ကောင်လေးတယောက်။သူ့ရဲ့အောက်ပိုင်းတခြမ်းလုံးက ဆိုင်ကယ်အောက်မှာ။
သူ့နှုတ်ခမ်းမှာသွေးတွေစီးလို့။ ဘုရား ဘုရား ဘာတွေဖြစ်ကုန်ပါလိမ့်။ ကားမောင်းတဲ့ အကိုကြီးရဲ့ မင်းဆိုင်ကယ်ကို ဘယ်လိုမောင်းတာလဲ။ မင်းကိုငါဘယ်လိုမှ ရှောင်လို့မရဘူး ဆိုတဲ့ အော်ဟစ်သံအဆုံးမှာ ဒဏ်ရာ၊ အားငယ်နေတဲ့မျက်နှာနဲ့
ဆိုင်ကယ်သမားအား ဂရုဏာသက်စိတ်နဲ့အတူ ကားကိုကြည့်လိုက်တော့ ကားကညာဘက်စွန်းစွန်းမှာ။ သေချာပြီပေါ့။ ဆိုင်ကယ်က လမ်းမှားဝင်လာတာ။ မင်းအဲလောက်မူးနေရင် အေးဆေးနေပါလား။ ခုဘယ်လိုလုပ်ပေးမှာလဲပြောဆိုတဲ့
စကားသံအဆုံးမှာ သူမှန်နေပေမယ့် လူတဖက်သားကို မထောက်ထားရကောင်းလားဆိုတဲ့စိတ်နဲ့ အစ်မ နည်းနည်းကြည့်ပြောပါအုံး။ အဲလောက်ထိမပြောပါနဲ့ဆိုပြီးဝင်ပြောမိတော့ အစ်မက နင်မသိပါဘူး။ တိတ်တိတ်နေတဲ့။ ကျွန်တော်ဘာမှမဖြစ်ဘူး
အစ်ကို အစ်ကို့ကိုလည်း ကျွန်တော်ဘာမှမလုပ်ပါဘူးဆိုတဲ့ ဆိုင်ကယ်သမားရဲ့ ကြောက်ရွံ့မှုတွေ ရောစွက်နေတဲ့အသံ။ မော်တော်ပီကယ်သွားခေါ်မယ် တကဲကဲလုပ်နေသော ကားသမားအား မလုပ်ပါနဲ့အစ်ကိုဆိုတဲ့ သူ့ရဲ့တိုးလျိူးတောင်းပန်သံအဆုံးမှာ
သူ့ကိုသနားစိတ်တွေသာ တဖွားဖွား။ မလုပ်လို့မရဘူး။ ငါ့ကားလဲဖြစ်သွားတယ်။ မင်းလဲ ခုထလိုမရဘူးမလား ဟင်။ ရတယ်..ကျွန်တော်ဘာမှမဖြစ်ဘူး။ မော်တော်ပီကယ်မခေါ်ပါနဲ့။ အေး ဒါဆိုခုထ။ ဆိုင်ကယ်အောက်မှ အတင်းတိုးထွက်လာကာ
မတ်တပ်ရပ်လိုက်တော့မှ နှုတ်ခမ်းမှာသွေးစေတွေပေနေတာကလွဲလို့ ဘာမှကြီးကြီးမားမားထိခိုက်ထားတာ မရှိ။ တော်ပါသေးရဲ့။ ဒီအခြေအနေကို ကျေးဇူးတင်ရမှာကို ဘာဖြစ်လို့ပြဿာနာရှာချင်နေပါလိမ့်။
ရှေ့မှမီးရောင်တခုနဲ့လာနေသောဆိုင်ကယ်အားတားကာ ညီလေး ငါ့ကိုမော်တော်ပီကယ်ရုံးလိုက်ပို့ပေးစမ်းပါကွာ။ ဒီမှာ ရှင်းလို့မရတော့ဘူး။ ကျွန်တော်သိတယ် အစ်ကို။ အဲဒီလိုဖြစ်တယ်ဆိုတာ။ တဖန် အတိုက်ခံထားရတဲ့ ဆိုင်ကယ်သနားဘက်သို့
လှည့်ကာ အစ်ကိုကို ကျွန်တော်ပြောတယ်။ အစ်ကိုအရမ်းမူးနေတယ်။ ဆိုင်မှာပဲအိပ်လိုက် ဒီပုံစံနဲ့ ဆိုင်ကယ်မောင်းရင် တခုခုဖြစ်လိမ့်မယ်လို့။ ကျွန်တော်ခုစိတ်မချလို့ လိုက်လာတာ။ သူ့ကိုကျွန်တော်သိတယ်။ ကျွန်တော့်ဆိုင်မှာပဲ သောက်သွားတာ။
အရမ်းမူးနေလို့ တားတာ တားလို့မရပဲ ခုလိုဖြစ်ကုန်တာ။ ထိုလူရဲ့တောက်လျှောက်စကားသံအဆုံးမှာ ဆိုင်ကယ်သမားဆီမှ ဘာသံမှထွက်မလာတော့ပဲ လက်အုပ်လေးချီလို့။ ကျွန်တော်ကတော့ သူ့ကိုသနားစိတ် ကြီးကြီးမားမားမဖြစ်ခင် ပြဿနာတွေ
ရှင်းသွားလိုစိတ်နဲ့အတူ ဘာမှမလုပ်ပါနဲ့။ သူလဲဒဏ်ရာရနေတာပဲ။ တော်ပါတော့။ သူလဲတောင်းပန်နေတာပဲ။ မော်တော်ပီကယ်ခေါ်လဲ ပိုဆိုးရုံပဲရှိမှာပဲ။ တောက်လျှောက်ပြောပေမယ့် အငယ်စကားဆိုတော့ နားထဲမထည့်ကြ။
ဇာတ်လမ်းအကျဉ်းချုပ်ကတော့ နှစ်ဦးနှစ်ဖက်ကျေအေးလိုက်တယ်ပေါ့ဗျာ။ ကားလေးရယ် ကော်ဖီကားကြီးရယ် တလမ်းလုံးတွဲလာလို့သာ တော်တော့တယ်။ ဆိုင်ကယ်ခေါင်းတခြမ်းလုံးရစရာမရှိ ကားခေါင်းဘယ်ဘက်ခြမ်း ပုံပျက်ပန်းပျက် ဘယ်ဘက်တံခါးဖွင့်မရဖြစ်သွားတဲ့နောက် အကျေအေးကြလဲ ဖိုက်တင်ချ မချရင်
ဦးထုပ်ဖြူတွေခေါ်ပြီး ရှင်းရုံပဲရှိတာပဲလေ။ မကြောက်စဖူး သင်္ကြန်ချိန်ကို ကြေက်မိသွားပါတယ်။ သင်္ကြန်မှာ ယာဉ်မောင်းသူတွေ(ယာဉ်ကြီး၊ ယာဉ်ငယ်) အယ်ကိုဟောဆိုတဲ့အရာကိုရှောင်နိုင်ရင် အကောင်းဆုံးမဟုတ်ပဲ ရှောင်ကိုရှောင်သင့်ပါတယ်ဗျာ။
နောက်ဆုံးမရှောင်နိုင်ဘူးလား ဟိုဆောင်ပုဒ်လိုပဲ မမောင်းနဲ့ပေါ့။ သောက်ကြမောင်းကြနဲ့ မင်္ဂလာယူရမယ့်နှစ်သစ်မှာ မဖြစ်သင့်တာတွေ မကြားသင့်တာတွေ မြန်မာပြည်တ၀န်းလုံးဘယ်လောက်များနေပြီမသိ။
စိုင်းစိုင်းက ဧပရယ် ၁၀ ကျွန်တော့မွေးနေ့ဘုရားသွားတယ် အိုး အိုး အရူးမူးပဲတဲ့။ ထွေးငယ်တကောင်ကတော့ ဧပရယ် ၁၄ ခေါင်းဖုထွက်သွားတယ် အိုး အိုး အလဲအကွဲပဲလို့ ဆိုရတော့မပေါ့။ တခါမှမကြုံဖူးတော့ ကြောက်လဲကြောက်။
ကံဆိုးတယ်လို့လဲ မယူဆချင်သလို ကံမကောင်းဘူးလို့လဲ အယူမသည်းချင်ပါဘူးဗျာ။ ဒါပေမယ့်ပေါ့လေ…………..
နောက်နှစ်ကျရင် ဒီလိုလည်မယ်ဗျာ
မော်လမြိုင်တံတားကြီးရဲ့ နေ့ဘက်မြင်ကွင်း
သူများတွေ ကဲနေချိန်မှာ ဒီလို (မော်လမြိုင်)
ရန်ကုန်မှာသာဆိုရင် ပျားတုပ်ခံရမယ့် မော်လမြိုင်က အဖွဲ့တဖွဲ့
ဧပြီ ၁၅ (အကျနေ့)
ဒီနေ့ ဘားအံမြို့တ၀ိုက်လည်တယ်။ ကျောက်ကလပ်သွားတယ်။ ဇွဲကပင်တောင်ခြေအနီးက ရေတံခွန်ကိုလည်း သွားဖို့ကြိုးစားခဲ့ပါသေးတယ်။ ဒါပေမယ့် တိုးမပေါက်တဲ့လူတွေကြောင့်ပဲ လက်လျှော့ပြီးပြန်ခဲ့တာပေါ့ဗျာ။
ထွေးငယ်တကောင်ကတော့ ကျောက်ကလပ်အသွားမှာ မျောက်ရုပ်ပေါက်သွားကြောင်း။ ဖုန်တွေက လှိုင်းတွေလို ၀င်ရောက်လာချိန် သူများတွေလို တဘက်နဲ့ကာ ခေါင်းငုံ့ဖို့ အချိန်မရပဲ ကင်မရာတလုံးနဲ့ အဲဒီဖုန်နီနီလေးတွေကို
မှတ်တမ်းတင်နေခဲ့တာကြောင့်ပါ။ ကျွန်တော့်ကိုကြည့်ပြီး ကားတစီးလုံး ခွက်ထိုးခွက်လန်ရယ်လို့။ ကိစ္စမရှိပါဘူးဗျာ။ လှပြီးသားလူဆိုတော့ ဖုံတက်လဲလှနေတာပဲ။ လူကမျောက်ရုပ်ပေါက်တာ အရေးမကြီးဘူးဗျ။
အဲဒီကနေ ကင်မရာzoomကြောင်သွားတော့တာပါပဲ။ zoomကိုသုံးလိုက်တာနဲ့ Turn off your cameraတွေဘာတွေဖြစ်ကုန်ရော။ သေရောဟ။ Flash လဲမရ night sence ဘာ sence ညာ sence လဲ ဘာအကြောင်းကြောင့်မှန်းမသိ
သုံးလို့မရဖြစ်နေတဲ့ ဒီမဖြစ်ညစ်ကျယ်ကင်မရာလေး ခုတော့ zoom ပါသွားရှာပြီ။ ကံဆိုးချင်တော့လဲ အဲဒီလိုပါပဲဗျာ။ သုံးတဲ့သူက ဂေါက်နေမှတော့ ကင်မရာလေးလဲ လိုက်ဂေါက်တာ မဆန်းပါဘူး။
ဖုန်တွေနဲ့ ကျောက်ကလပ်အသွားလမ်း
ကျောက်ကလပ်မှာ
ဘားအံမြို့အနီးက ကျောက်ကလပ်ဘုရား (zoomမကောင်းတော့ ၀ါးသွားတယ်ဗျာ)
အားလုံးတက်ကြ ငါ့ထော်လာဂျီ
ဘားအံရေတံခွန်အနီးမှာ
ကရင်ပြည်နယ်ရဲ့ အကမယ်လေးတွေ
ဘားအံနာရီစင်အနီး
ဘားအံမြို့ရဲ့ နေ၀င်ချိန်
ဧပြီ ၁၆ (အတက်နေ့)
ဒီနေ့လည်း ဘားအံမြို့ထဲနဲ့ သထုံ-ဘားအံ အဝေးပြေးလမ်းဘေးမှာ ရှိတဲ့ ဘုရင့်ညီဂူရောက်တယ်။ ဘုန်ကြီးကျောင်းက အလကားကျွေးတဲ့ ကြာဆံဟင်းရည်၊ ငပိရည်၊ တို့စရာနဲ့ ထမင်းကို ၀င်ဆွဲ။ တော်ပေါ်တောင် မတက်ခဲ့ဘူး။ ခဏခဏရောက်နေတာရယ်ကြောင့်
တက်ရမှာပျင်းသလိုဖြစ်သွားတယ်။ အရင်ကဆိုရင် အဲဒီက ရာသီမရွေးသဘာဝအလျှောက်ပူနွေးနေတဲ့ ကျား-မသီးသန့်ခွဲထားတဲ့ ရေပူကန်မှာ ရေတ၀ကြီးဝင်ကူး၊ချိုးပြီးမှ ပြန်ကြတာပါ။ ရောဂါဘယတွေ ပျောက်တယ်လို့ ယုံကြည်ကြတယ်ဗျ။
ဒီနှစ်တော့ မကူးခဲ့ဘူးပေါဗျာ။ ရေအေးကန်ကတော့ တကန်ထဲရှိတယ်။ ဘယ်သူ့ကိုမှ ကူးခွင့်မပြုသလို ၀င်ခွင့်လဲမရှိပါဘူး။ နေဘယ်လောက်ပူပူ အမြဲတမ်းအေးမြနေတဲ့ ရေကန်ပါ။
ဒီလို
ဆိုင်ကယ်အစီးရာကျော်တဲ့အဖွဲ့ ဦးဆောင်သူတွေ
သထုံ-ဘားအံကားလမ်းဘေးမှာရှိတဲ့ ဘုရင့်ညီဂူ
ဧပြီ (နှစ်ဆန်း ၁ ရက်)
အိမ်မှာ အလှူလုပ်တယ်။ လူနည်းနည်းပါးပါးနဲ့ သံအလှူပြီးတော့ နေ့လည် ၂ကျော်နေပြီ။ အစီအစဉ်အတိုင်း အ၀တ်အစားလဲ ကျိုက်ကမီ-စက်စဲဒိုးတာပေါ့ဗျာ။ မနေ့(၁၆)က အုပ်စုတွေကို အားကျပြီးသကာလ မျက်ခုံးမွေးဆွဲတံဝယ် သူငယ်ချင်းနဲ့နှစ်ကောင်သား
မဆွဲတတ်ဆွဲတတ်နဲ့ဆွဲ (အဲကောင်က အလှူတို့ဘာတို့မှာဆွဲတာတော့ ရေလည်ပိုင်တဲ့ကောင်။ ဒီနေရာကျမှ ညံ့နေတာပါ )။ ဂျင်းဘောင်းဘီအနက်၊ တီရှပ်အနက်၊ ဂျင်းဂျာကင်နဲ့ ရော့ကာလိုလို မသာလိုလို အဲ ဂေါ့သစ်လိုလိုပေါ့ဗျာ ။ လမ်းမှာ
သရဲမလို့ အအော်ခံရတော့လဲ ပြုံးပြုံးပါပဲ။ အဲလောက်နဲ့ဖြုံမယ်ထင်ရင် မှားသွားမှာပေါ့ဗျာ။
ရန်ကုန်ကလူတွေ ငြိမ်ကုတ်နေရချိန် ကဲနေရတာ စိတ်တော့မကောင်းဘူးပေါ့ဗျာ။ ဒါလဲ ကိုယ့်ကုသိုလ်နဲ့ ကိုယ်မဟုတ်လား။ မနာလိုမဖြေစ်ကြပါနဲ့လေ။
ဒီလိုပေါ့လေ
မွန်ပြည်နယ်မှ စက်စဲကမ်းခြေ
စက်စဲကမ်းခြေနဲ့ ကိုရင်လေးတပါး
ကမ်းခြေစာပေါ့ဗျာ
ကျိုက္ကမီ
ဒီပိုစ့်လေး အကြောင်းအမျိုးမျိုးကြောင့်ကြာသွားတယ်ဗျာ။ အဲဒီအကြောင်းတွေကို ဖွဲ့နွဲ့မနေချင်တော့ပါဘူး။ အားပေးသူများအားလုံးကို ကျေးဇူးတင်ပါတယ်ဗျာ။ နောက်တွေ့ရင် ကော်ဖီတိုက်ပါ့မယ်။
ထွေးငယ်
April 29, 2010 - Posted by Htwe Nge - 12 Comments
နာကျင်ပါ
မျက်ရည်တွေ ကုန်ခမ်းအောင် ငိုကြွေးလိုက်ပါ
ရင်နဲ့မမျှအောင် ခံစားပါ
ဘ၀နဲ့ရင်းတဲ့ မျော်လင့်ချက်တွေ ထားချင်ရင်လည်း ထားလိုက်ပါ
ဒါပေမယ့်
သူမရှိရင်တောင် ဆက်လက်ရှင်သန်နေပါ
ဘာလို့လဲဆိုတော့
မင်းက ငါ့သူငယ်ချင်းဖြစ်လို့ပဲ
ဘ၀ဆိုတာ သူ့တယောက်ထည်းအတွက် ဖြစ်တည်လာတာမှ မဟုတ်ပဲ သူငယ်ချင်းရယ်
မင်းဘေးမှာ အမြဲမဟုတ်တောင် တတ်စွမ်းသရွေ့ ငါရှိနေမှာပါ
သူငယ်ချင်း TZ နဲ့ YM သို့
April 27, 2010 - Posted by Htwe Nge - 1 Comment
ကဲဗျာ နှစ်သစ်မှာ ကဏ္ဍအသစ်လေးလို့ မထင်လိုက်ပါနဲ့။ နှစ်သစ်မှာတရားရမရပဲ အသိတရားရသွားလို့ပါ။ တခြားတော့မဟုတ်ပါဘူး။ ကိုယ့်ရဲ့လုပ်ဆောင်နိုင်စွမ်းကို ကိုယ်တိုင်နားလည်သွားတယ်ဆိုပါတော့ဗျာ။
ဒါကြောင့်လဲ PHOTO OF THE WEEK ဆိုတဲ့ ကဏ္ဍလေးကနေ အကြိုက်ဆုံးဓာတ်ပုံကဏ္ဍ အဖြစ်ကို ရောက်ရှိသွားတာပါ။ အရင်ကလဲ တပတ်တကြိမ်ဖြစ်မြောက်အောင်မလုပ်နိုင်ခဲ့သလို ရှေ့ဆက်လဲလုပ်နိုင်မယ်ဆိုတာ ယုံကြည်မှုမရှိတော့လို့ပါ။ သင်္ကြန်ကာလအတွင်းမှာ နေပူခံ၊ ဖုန်တက်ခံ၊ ရေပက်ခံထွက်တာတောင် ကောင်းကောင်းမနေရပဲ ကင်မရာတလုံးနဲ့ အလုပ်ရှုပ်၊ ကင်မရာလေးလဲ ရေတွေစို ဖုန်တွေတက်ခံပြီး ရိုက်လိုက်လို့ 2Gပြည့်သွားခဲ့ပေမယ့် ဒီကဏ္ဍလေးအတွက် စိတ်တိုင်းကျလောက်အောင် တပုံမှထွက်မလာခဲ့တဲ့ ကိုယ့်ကိုကိုယ်ပဲ ဆုံထဲထည့်ထောင်းချင်စိတ်တွေ ပေါက်နေမိပါတော့တယ်။ အဲဒီမှာပဲ ဟိုကောင်ဖကမကို ဝေဖန်ခိုင်းလိုက်တာ ပိုဆိုးတော့တာပါပဲ။
ဒီကဏ္ဍလေးကိုတောင် မလုပ်တော့ဘူးလို့ စဉ်းစားမိတဲ့အထိပါ။ ဒါပေမယ့် အဲဒီမှာ စိတ်တိုင်းကျတာတော့မဟုတ်ပေမယ့် မဆိုးဘူးလို့ထင်မိတဲ့ ပုံလေးတပုံသွားတွေ့ပါတယ်။ အဲဒီပုံလေးကြောင့် ဒီကဏ္ဍလေး အသက်ဝင်လာတယ်ဆိုပါတော့။
နောက်ပုံကောင်းကောင်းလေးတွေ ရအောင် ကြိုးစားရိုက်ပါ့မယ်ဗျာ။ (တိုက်တိုက်ဆိုင်ဆိုင် ဒီပိုစ့်လေးကိုတင်မယ်လို့အားခဲ့ပြီး လာခဲ့ချိန်မှာပဲ ဓာတ်ပုံနဲ့ပတ်သက်ပြီး ထွေးငယ်အားကျတဲ့ မနာလိုတဲ့ အစ်ကိုမည်းကြီးက ဒီပုံလေးကို facebook မှာ Like လုပ်ထားတာတွေ့လိုက်ရတယ်။ တခြားသူတော့ မသိဘူးဗျာ။ ထွေးငယ်အတွက်တော့ အစ်ကိုမည်းကြီးအားပေးတာဟာ အတော်လေးထူးခြားပါတယ်။ ဒီပုံလေးကို ရွေးလိုက်တာလဲ မှန်ကန်တယ်လို့ ခံစားမိစေတယ်။ အစ်ကိုမည်းကြီးရေ ကျေးဇူးဗျာ။ သူ့ထက်၂ရက်ပဲငယ်တာကို အစ်ကိုမည်းကြီးလို့ခေါ်တာကို သိပ်ကျေနပ်တာ ဟုတ်ဖူးဗျ။ ဟဲ။ သူ့ကင်မရာကြီးသာရရင် သေမပျော်ပေမယ့် ရိုက်ပျော်ပါပြီ။ )
အမှတ်စဉ် (၆)
ကရင်ပြည်နယ် ဘားအံမြို့၏ သင်္ကြန်မြင်ကွင်းတခု
ဓာတ်ပုံနဲ့ပတ်သက်သော အကြောင်းအရာတချို့
နေ့ရက်၊ အချိန်
ဧပြီ ၁၅၊ ၂၀၁၀ ၊ ညနေ ၅နာရီ ၃၇ မိနစ်
နေရာ
ကရင်ပြည်နယ်၊ ဘားအံမြို့ နာရီအနီး ဗဟိုမဏ္ဍပ်ရှေ့
ရွေးချယ်ရခြင်းအကြောင်းရင်း
ပြောခဲ့သလိုပါပဲ။ ဒီပုံလေးကို မဆိုးဘူးလို့ ထင်မိပေမယ့် စိတ်တိုင်းမကျတာတော့ အမှန်ပါ။ သင်္ကြန်ရဲ့ရသကို ပြည့်ပြည့်၀၀မပေါ်လွင်ဘူး။ ရေကအရမ်းနည်းတယ်ဗျာ။ အဲဒီနေရာမှာ ရေတွေသာ များများကျဆင်းနေတဲ့ပုံဆိုရင်
ပိုကောင်းမယ်လို့ထင်မိတယ်။ ပြီးတော့ လူတွေအရမ်းနည်းတယ်။ ခြောက်ကပ်နေသလိုပဲ။ စိတ်တိုင်းမကျတော့ အများကြီးပါပဲ။ ဒီပုံလေးကို ဒီဏ္ဍလေးမှာပါဝင်အောင် ကူညီလိုက်တာကတော့ ထွန်းလင်းလို့ကောင်းနေဆဲနေမင်းကြီးရဲ့
နေရောင်တွေကြောင့်ပါ။ ပြီးတော့ ထွေးငယ်လိုချင်တဲ့ အစိတ်အပိုင်းတော်တော်များများတယ်လေ။ ရေကစားမဏ္ဍပ်၊ ရေပက်ခံကား၊ ဘားအံမြို့ရဲ့နာရီစင်ကြီးရယ်၊ နေမင်းကြီးရယ်၊ နေရောင်နဲ့ရေတွေကြောင့် စိုစွတ်လင်းလက်နေတဲ့
ကတ္တရာလမ်းမကြီးရယ်။ အဲဒီပုံလေးကို ရေပက်ခံပြန်လာလို့ အဖွဲ့လိုက် အဆာပြေစားနေကြရင်း အသုပ်ဆိုင်ကနေ ထပြေးပြီး ရိုက်ထားတာပါ။ လမ်းအကူးမှာ မဏ္ဍပ်ကိုကြည့်လိုက်ရင်း နေရောင်တွေကို သတိထားမိသွားလို့ပေါ့ဗျာ။
အဲဒီနားက ရဲဝန်ထမ်းဝတ်စုံနဲ့လူတွေရဲ့ ဘုကြည့်ကြည့်တာကို ခံလိုက်ရပါသေးတယ်။
(အမှန်တကယ်ရိုက်ချင်တဲ့ပုံတွေက ကမ်းနားလမ်းမှာပါ။ ဒါပေမယ့် အဲဒီမှာ ကင်မရာထုတ်ဖို့ ဘယ်လိုမှအဆင်မပြေပါဘူး။ အိတ်ထဲကို ကျွတ်ကျွတ်အိတ်နဲ့ထုပ်ပြီးထည့်ထားတာတောင် အိတ်မလုံတာနဲ့ ရေတွေတော်တော်စိုသွားပါသေးတယ်။
တော်သေးတာပေ့ါဗျာ။ ဂေါက်မသွားတာပဲ ကျေးဇူးတင်ရမယ်။ သင်္ကြန်မှာ ဓာတ်ပုံရိုက်ရတာ တကယ်မလွယ်ဘူးဗျ။ ရေပက်ခံထွက်ရင်းနဲ့ဆိုတော့ ပိုဆိုးတယ်။ ရေမပက်တော့မယ့်နေရာမှ ကင်မရာထုတ်ရိုက်တာဆိုတော့
လိုချင်တဲ့ပုံတွေမရတာလဲ မထူးပါဘူး။ ဆင်ခြေပေးတယ်ပဲ ဆိုပါတော့ဗျာ။ ထွေးငယ်ကတော့ ကိုယ့်ကိုကိုယ်နှစ်သိမ့်တာပါ။ ပြီးတော့ ကင်မရာကောင်းကောင်းတလုံးလောက် လိုချင်နေတဲ့ ရောဂါက ပိုဆိုးလာတယ်ဗျာ။ ဆေးမရှိတော့ဘူးထင်ပါရဲ့။
ကဲဗျာ နောက်တကြိမ်မှာ ဒီထက်ကောင်းတဲ့ပုံတင်နိုင်ဖို့ ၀ိုင်းပြီးဆုတောင်းပေးကြပါတော့ဗျာ)
နောက်ဆုံးအနေနဲ့ ပြောချင်တာကတော့ ဒီပုံလေးကို အမှတ်စဉ်-၅တုန်းကလိုပဲ လိုက်မယ်ဆိုပြီးမှ အကြောင်းအမျိုးမျိုး (ယောင်းမ ငါ့အပြစ်မဟုတ်ဘူးနော်) ကြောင့် မလိုက်ခဲ့ရတဲ့ ယောင်းမလေး ထွယ်ဆိုင်းရာကို သနား အဲ ရည်ညွန်းပါတယ်။ သူ့ခမျာ တခါလည်းမဟုတ် နှစ်ခါလည်းမက ခဏခဏသနားခံနေရတာ သနားပါတယ်ဗျ။ ဟဲ ယောင်းမ..ကျေနပ်တော့နော်.. နောက်တခါ အဲဒီလို မဖြစ်စေရပါဘူးအေ.. ကျူပ်ကတိပေးပါတယ်..နော်
လေးစားစွာဖြင့်
ထွေးငယ်
